نۇروتاندىق دەپۋتاتتاردىڭ ماقساتى – پارتيا توراعاسىنىڭ بارلىق باستامالارىن زاڭنامالىق قامتاماسىز ەتۋ, دەيدى ن.نىعماتۋلين
پالاتا سپيكەرى, «نۇر وتان» پارتياسى فراكتسياسىنىڭ جەتەكشىسى نۇرلان نىعماتۋليننىڭ توراعالىعىمەن فراكتسيا جينالىسى ءوتتى, دەپ حابارلادى ءماجىلىستىڭ ءباسپاسوز قىزمەتى.
نۇروتاندىق دەپۋتاتتاردىڭ ماقساتى – پارتيا توراعاسىنىڭ بارلىق باستامالارىن زاڭنامالىق قامتاماسىز ەتۋ, دەيدى ن.نىعماتۋلين
پالاتا سپيكەرى, «نۇر وتان» پارتياسى فراكتسياسىنىڭ جەتەكشىسى نۇرلان نىعماتۋليننىڭ توراعالىعىمەن فراكتسيا جينالىسى ءوتتى, دەپ حابارلادى ءماجىلىستىڭ ءباسپاسوز قىزمەتى.
باستى ماسەلە «نۇر وتان» پارتياسىنىڭ دوكتريناسىن تالقىلاۋ. نۇرلان نىعماتۋلين جاڭا پارتيالىق قۇجاتتىڭ ماڭىزدىلىعى مەن وزەكتىلىگىن ايتا كەلىپ, دوكترينانىڭ پرەزيدەنتىمىز نۇرسۇلتان نازارباەۆتىڭ «قازاقستان-2050» ستراتەگياسىندا جۇكتەلگەن ماڭىزدى ستراتەگيالىق مىندەتتەر جولىندا بارشا قازاقستاندىقتاردى بىرىكتىرۋدى كوزدەيتىندىگىن جەتكىزدى.
سونىمەن قاتار, توراعا ماجىلىسمەندەرگە, پارتيالىق ارىپتەستەرىنە جاڭا قۇجاتتىڭ ءاربىر بابىنىڭ ورىندالۋىنا ارقايسىسىنىڭ ءوز ۇلەسىن قوسۋى كەرەكتىگىن قاداپ ايتتى.
– نۇروتاندىق دەپۋتاتتاردىڭ ماقساتى – پارتيا توراعاسىنىڭ بارلىق باستامالارىن زاڭنامالىق قامتاماسىز ەتۋ, – دەدى نۇرلان نىعماتۋلين.
سونداي-اق, جينالىس بارىسىندا «نۇر وتان» حدپ فراكتسياسى مۇشەلەرى – پارلامەنت ءماجىلىسى دەپۋتاتتارىنىڭ پارتيانىڭ كەزەكتەن تىس XV سەزىنە جانە دوكترينا جوباسىن ءتۇسىندىرۋ جۇمىستارىنا قاتىسۋ ماسەلەلەرى دە قارالدى.
سەزد قارساڭىندا بۇكىل ەلىمىز بويىنشا پارتيانىڭ ايماقتىق جانە اۋماقتىق فيليالدارىندا كونفەرەنتسيالار ءوتىپ, وعان نۇروتاندىق ماجىلىسمەندەر قاتىساتىن بولادى.
