قىتاي حالىق رەسپۋبليكاسىنىڭ توراعاسى سي ءتسزينپيننىڭ قازاقستان پرەزيدەنتى نۇرسۇلتان نازارباەۆتىڭ شاقىرۋى بويىنشا ۇستىمىزدەگى جىلعى 6-8 قىركۇيەكتە ءبىزدىڭ ەلىمىزگە جاساعان مەملەكەتتىك ساپارىنىڭ قورىتىندىسى جوعارىداعى قاعيداتتىڭ شىندىققا جاناسىمدى ەكەنىن تاعى ءبىر مارتە اڭعارتىپ ءوتتى. بۇعان وسى ساپار بارىسىندا ەكى مەملەكەت باسشىلارى جاساسقان بايلامداردىڭ ماڭىزى مەن مازمۇنى دالەل بولا الادى. بۇل جولعى كەزدەسۋ ەكى مەملەكەت اراسىنداعى جان-جاقتى ستراتەگيالىق ارىپتەستىكتى بۇدان ءارى تەرەڭدەتە ءتۇسۋدىڭ كەمەل كەلەشەگىن ايقىنداپ بەردى.
قىتاي حالىق رەسپۋبليكاسىنىڭ توراعاسى سي ءتسزينپيننىڭ قازاقستان پرەزيدەنتى نۇرسۇلتان نازارباەۆتىڭ شاقىرۋى بويىنشا ۇستىمىزدەگى جىلعى 6-8 قىركۇيەكتە ءبىزدىڭ ەلىمىزگە جاساعان مەملەكەتتىك ساپارىنىڭ قورىتىندىسى جوعارىداعى قاعيداتتىڭ شىندىققا جاناسىمدى ەكەنىن تاعى ءبىر مارتە اڭعارتىپ ءوتتى. بۇعان وسى ساپار بارىسىندا ەكى مەملەكەت باسشىلارى جاساسقان بايلامداردىڭ ماڭىزى مەن مازمۇنى دالەل بولا الادى. بۇل جولعى كەزدەسۋ ەكى مەملەكەت اراسىنداعى جان-جاقتى ستراتەگيالىق ارىپتەستىكتى بۇدان ءارى تەرەڭدەتە ءتۇسۋدىڭ كەمەل كەلەشەگىن ايقىنداپ بەردى.
قازاقستان پرەزيدەنتى نۇرسۇلتان نازارباەۆ بۇل كەزدەسۋگە سانكت-پەتەربۋرگتە وتكەن G20 سامميتىنەن كەيىن شۇعىل جەتتى. ەلباسىنىڭ قىتاي ليدەرىمەن ءبىرىنشى كەزدەسۋى استاناداعى نازارباەۆ ۋنيۆەرسيتەتىندە ءوتتى. مۇندا مەملەكەت باسشىلارى ۋنيۆەرسيتەتتىڭ جۇمىسىمەن ءبىرشاما تانىسىپ بولىپ, ستۋدەنتتەردىڭ الدىنا شىقتى. وسى كەزدەسۋدىڭ بارىسىندا ەكى ەلدىڭ اراسىنداعى قارىم-قاتىناستى بۇرىنعىدان بەتەر جاراستىرا تۇسۋگە دانەكەر بولاتىن بىرنەشە قاعيداتتى ماسەلەلەر بويىنشا مامىلە جاسالاتىنى اشىپ ايتىلدى. ءسوز تىزگىنىن ءبىرىنشى بولىپ العان نۇرسۇلتان نازارباەۆ, ماسەلەن, ءبىزدىڭ ەلىمىز قىتايدىڭ قازاقستانمەن جانە ايماقتاعى وزگە مەملەكەتتەرمەن قارىم-قاتىناسىن نىعايتۋعا ۇمتىلىسىن قولدايتىنىن اتاپ ءوتتى. ەلباسى, سونىمەن قاتار, بيىلعى جىلى ەكى ەل اراسىنداعى ەكونوميكالىق ىنتىماقتاستىق ايتارلىقتاي العا جىلجىپ, تاۋار اينالىمى 26 ملرد. دوللارعا جەتكەنىنە نازار اۋداردى. وسى جەردە ەكى ليدەردىڭ الداعى جىلى بۇل مەجەنى 40 ملرد. دوللارعا دەيىن جەتكىزۋ مىندەتىن العا قويىپ وتىرعانى دا بەلگىلى بولدى. وسى كۇندەرى جۇرگىزىلەتىن كەلىسسوزدەردىڭ قورىتىندىسىندا ىنتىماقتاستىقتى جاڭا ساتىعا كوتەرەتىن 20-دان استام جاڭا قۇجاتقا قول قويىلاتىنى ايعاقتالدى.
قازاقستاننان شىققان كوپتەگەن تالاپكەرلەر بىرقاتار جىلدان بەرى قىتايدىڭ ءارتۇرلى جوعارى وقۋ ورىندارىندا وقىپ, ءبىلىم الىپ ءجۇر. جاقىن ارادا مۇنداي قامقورلىقتى قىتايلىق ورەندەر دە كورەدى. كەزدەسۋدە نۇرسۇلتان نازارباەۆ: «جاستار ءبىرىن ءبىرى ءبىلىپ, قارىم-قاتىناستارىمىز ودان ءارى نىعايا بەرۋ ءۇشىن قازاقستان دا قىتايدان ستۋدەنتتەر قابىلداۋعا ءازىر. قازاقستان ۇزاق مەرزىمدى ىنتىماقتاستىققا دايىن. قازاقستان قحر-عا جاقسى كورشى, سەنىمدى دوس جانە ەكونوميكالىق سەرىكتەس بولادى», – دەدى وسىعان وراي.
جينالعاندار قىتاي كوشباسشىسى سي ءتسزينپيننىڭ ستۋدەنتتەر الدىندا وقىعان دارىسىنەن دە كوپ ماعلۇماتتارمەن قانىقتى. ول ءوز سوزىندە قىتايدىڭ ورتالىق ازياداعى سىرتقى ساياسي باسىمدىقتارى مەن قازاقستانمەن اراداعى ەكىجاقتى ىنتىماقتاستىق تۋرالى ءسوز قوزعاپ, قازاقستاننىڭ تاۋەلسىزدىك العاننان بەرگى جىلدارداعى ەكونوميكالىق جانە ساياسي دامۋىنداعى جەتىستىكتەرىنە تاڭدانىس ءبىلدىردى. قازاق ەلىنىڭ بۇل تاراپتا ەداۋىر ىلگەرى كەتكەنىن جانە بۇل قادامى حالىقتىڭ تۇرمىس دەڭگەيىن ايتارلىقتاي جاقسارتىپ, حالىقارالىق بەدەلىنىڭ ارتۋىنا جول اشقانىن اتاپ ءوتتى. مۇنىڭ تاعى ءبىر دالەلى استانانىڭ قازىرگى كەلبەتىنەن دە كورىنىپ تۇرعانىن جەتكىزدى.
وسى ورايدا قحر توراعاسىنىڭ: «نەبارى 10 جىلدىڭ ىشىندە ناعىز زاماناۋي قالا دەڭگەيىنە كوتەرىلگەن استانا قازاقستان جەرىنىڭ تاعى ءبىر عاجايىپ قۇبىلىسى اتانىپ وتىر. استانا – ەڭبەكسۇيگىشتىكتىڭ, قازاقستان حالقىنىڭ ءوسىپ-وركەندەۋى مەن جارقىن بولاشاعىنىڭ سيمۆولى. قىتايدىڭ حان اۋلەتىنىڭ ەلشىسى 2 مىڭ جىلدان استام ۋاقىت بۇرىن بەيبىتشىلىك پەن دوستىق ميسسياسىمەن قازاق دالاسىنا ەكى رەت كەلىپتى. سول ساپارلار قىتايدىڭ ورتالىق ازيامەن دوستىق قاتىناستارىنىڭ كەڭەيۋىنە ىقپال ەتىپ, جىبەك جولىنىڭ شىعىستان باتىسقا, ازيادان ەۋروپاعا بارار باعىتتارىن اشتى. ەجەلگى جىبەك جولى ءوزىنىڭ باستاۋىن مەنىڭ تۋعان پروۆينتسيام سانالاتىن شەنسيدەن الادى», – دەپ اتاپ كورسەتكەن ءسوزدەرى ءبىزدىڭ ەلوردامى
