نۇرسۇلتان نازارباەۆ: ساداعاڭ كەتەيىن, اينالايىن حالقىم!

* * *

وسىنداي الىپ اۋقىمدى اۋماعى مەن وسىنداي باي تاريحى بار قازاق حالقى باقىتتى ءارى جۇلدىزى دا جوعارى.

* * *

قازاقتار ۇلى وركەنيەتتەردىڭ مۇرا­گەرلەرى – ءوزىنىڭ ۇلتتىق «مەنىن» تاريحتىڭ بۇكىل شىڭىراۋلارى مەن شىرعالاڭدارىنان الىپ وتە ءبىلدى. تەك الىپ ءوتىپ قانا قويماي, ساقتاپ, كوبەيتە دە الدى.

* * *

قازاق اۋىلى ءاردايىم ۇلتتىق ءوسىپ-وركەندەۋىمىزدىڭ قۋات-قاينارى ءارى ۇلتتىق سايكەستىلىگىمىزدىڭ ولشەۋىشى بولىپ قالا بەردى.

* * *

قازاق ايەلدەرى ۇلتىمىزدى ءوزىنىڭ ەمدىك قاسيەتى بار جىلى سۇتىمەن, ءوز ماحابباتىنىڭ وتىمەن, ءوزىنىڭ ايالى الاقانىمەن جانە قامقورلىعىمەن قامتاماسىز ەتىپ, سول ارقىلى ەلەۋسىز عانا قازاق حالقىنىڭ ۇلتتىق, رۋحاني, مادەني تۇتاستىعىن قالىپتاستىرىپ, بويىنا جان جىلۋىن دارىتا الدى.

* * *

بىزگە, بايىرعى ۇلى حالىقتاردىڭ ۇرپاقتارىنا, وزگەلەردىڭ قاڭسىعىن تاڭسىق ەتكەن جارامايدى, ءوزىمىزدىڭ وتكەنىمىزگە, بۇگىنىمىزگە جانە بولاشاعىمىزعا ءجىتى ۇڭىلەتىن كەز جەتتى.

* * *

ەركىن, بەيبىتسۇيگىش, ءبىلىمدى, ءوزىنىڭ ءار الۋاندىعىمەن ءبىرتۇتاس, تابىستى, ءبىر سوزبەن ايتقاندا, وزگەلەرمەن تەرەزەسى تەڭ – ءبىرتۇتاس قازاقستان حالقىن مەن كوز الدىما وسىلاي ەلەستەتە الامىن.

* * *

مەملەكەت ءۇشىن ۇيىمشىل قوعامنان اسقان تىرەك جوق.

* * *

حالىقتىڭ بىرلىگى قازاقستان مەم­لە­كەت­تىگىنىڭ نەگىزى عانا ەمەس, سونىمەن بىرگە ءبىز­دىڭ ماڭگىلىك قۇندىلىعىمىز دا بولىپ تا­بىلادى.

* * *

ۇلتارالىق تاتۋلىق پەن كەلىسىم كوكتەن تۇسكەن بىردەڭە ەمەس. ول مەملەكەت پەن بارشامىزدىڭ كۇندەلىكتى ساياساتىمىز بەن پراكتيكامىزدىڭ ناتيجەسى.

* * *

تەك قانا كوپعاسىرلىق تۇتاستانۋ مەن جالعاستىق, تەك قانا ۇرپاقتان ۇرپاققا بەرىلەتىن ورتاق ماقساتتار بۇل عاسىردىڭ مىندەتتەرىن شەشۋ ءۇشىن حالىقتى بىرىكتىرە الۋى مۇمكىن.

* * *

ءبىزدىڭ باستى بايلىعىمىز – حالىقتار مەن دىندەر اراسىنداعى تاتۋلىق پەن كەلى­سىم.

* * *

مەن الەم حالىقتارىنىڭ قاتارىنا لايىقتى قوسىلعان جاڭا ۇلتتىڭ جانە ءبىزدىڭ قازاقستان سياقتى ۇلى ەلدىڭ ەلباسى بولۋدى بۇيىرتقان تاعدىرعا ريزامىن.

* * *

كەز كەلگەن حالىققا بارىنەن بۇرىن اسقاق رۋح كەرەك.

* * *

ەڭ باستىسى, تاتۋ-ءتاتتى, ىنتىماعى جاراسقان كوپۇلتتى حالقىمىز بار. ەل دەگەندە, جەر دەگەندە بىلەگىن سىبانىپ, ىسكە دايىن تۇرعان ازاماتتارىمىز بار. سان عاسىرلار بويى تەپەرىشتى كورسە دە, جايساڭ جانىن, اسەم ءانىن, كۇمبىر كۇيىن, ادەمى ادەت-عۇرپىن, تازا ءتىلىن ساقتاعان ۇلتىمىز بار. مىنە, ءبىزدىڭ باس­تى بايلىعىمىز – وسى.

* * *

مەن ءوز حالقىمنىڭ جولىندا باسىمدى بايگەگە تىككەن اداممىن.

* * *

رۋحى ەركىن حالىق قانا ۇلى ىستەردى ات­قارا الادى.

* * *

مەن كەزەكتى سايلاۋدى ويلاي المايمىن, مەن ەلدىڭ, حالىقتىڭ بولاشاق تاعدىرىن ويلاۋعا ءتيىسپىن. مەنىڭ ماقسات-مۇراتىم وسى, حالىق مەنى وسى ءۇشىن سايلادى.

* * *

قازاقتىڭ ۇلتتىق رۋحى – ونىڭ ورلىگى مەن ەرلىگىندە.

* * *

قازاق تا ەندى ۇلكەن ۇلتقا ءتان ءتوزىم مەن سابىرلى مىنەز كورسەتۋى كەرەك.

* * *

مەنىڭ بىردەن-ءبىر قالاۋىم, مەنىڭ ءۇمىتىم, ەگەر قالاساڭىزدار, ارمانىم – شامامنىڭ كەلگەنىنشە, قازاقستان حالقىنىڭ ءوزىن جان-جاقتى دامىتۋى ءۇشىن قالىپتى, شىنايى, وركەنيەتتى جاعداي جاساۋعا جاردەمدەسۋ.

* * *

ءوزىم ءۇشىن ەمەس, ەلىم ءۇشىن تولعانامىن: ءبىر باسىما كەرەكتى قاي كۇندە دە تابارمىن. حالقىما كەرەكتى قالاي تابام, قايدان تابام دەپ قام جەپ ءجۇرۋ تەك قانا مەنىڭ ەمەس, ءار ازاماتتىڭ ءىسى مەن جادىندا بولۋى ءتيىس.

* * *

ءسوز باستاعان شەشەن بولۋ –

ءبىر قيىن,

ەلىڭ ءۇشىن ەسەن بولۋ –

ءبىر قيىن.

تايعاق كەشىپ,

اق جول تاۋىپ,

اداسپاي,

كوش باستاعان كوسەم بولۋ –

مىڭ قيىن!

* * *

ەجەلدەن رۋح ەركىندىگىن ەرەكشە قاس­تەر تۇتقان حالقىمىزدىڭ اسىل ءداستۇر­لەرىن جاڭا زامانعا جاراسىمدى جالعاس­تىرۋىمىز قاجەت.

* * *

ءبىز كەشەگىسى تۇلدىر, بولاشاعى بۇلدىر حالىق ەمەسپىز.

* * *

بابالارىن قالتقىسىز قاستەرلەي ءبىل­گەن حالىق بالالارىنىڭ بولاشاعىن دا قا­پىسى