ادام ارمانىمەن اسقاق.
مەملەكەت ماقساتىمەن مەرەيلى.
قازاقستان – ارمانى اسقاق ادامدار ەلى, ماقساتى مەرەيلى مەملەكەت. التاي مەن اتىراۋدىڭ اراسىن الىپ جاتقان الىپ دالانىڭ جۇرتى سان عاسىرلار بويى ازاتتىق اتتى ارمانىن ايالاپ, عاسىرلار توعىسىندا, مىڭجىلدىقتار مەجەسىندە ويىنداعىسى ورىندالدى. سول دالادا ورناعان قازاقستان رەسپۋبليكاسى جيىرما جىلدان از عانا استام ۋاقىتتا اۋەلى ەل بولىپ, ەس جيۋدىڭ تار جول, تايعاق كەشۋىنەن ءوتتى, قۇلاندىدان, قيراندىدان جاڭا مەملەكەتتىڭ ءىرگەسىن بەكىتىپ, قابىرعاسىن كوتەردى.
ادام ارمانىمەن اسقاق.
مەملەكەت ماقساتىمەن مەرەيلى.
قازاقستان – ارمانى اسقاق ادامدار ەلى, ماقساتى مەرەيلى مەملەكەت. التاي مەن اتىراۋدىڭ اراسىن الىپ جاتقان الىپ دالانىڭ جۇرتى سان عاسىرلار بويى ازاتتىق اتتى ارمانىن ايالاپ, عاسىرلار توعىسىندا, مىڭجىلدىقتار مەجەسىندە ويىنداعىسى ورىندالدى. سول دالادا ورناعان قازاقستان رەسپۋبليكاسى جيىرما جىلدان از عانا استام ۋاقىتتا اۋەلى ەل بولىپ, ەس جيۋدىڭ تار جول, تايعاق كەشۋىنەن ءوتتى, قۇلاندىدان, قيراندىدان جاڭا مەملەكەتتىڭ ءىرگەسىن بەكىتىپ, قابىرعاسىن كوتەردى.
«كەز كەلگەن حالىققا بارىنەن بۇرىن اسقاق رۋح كەرەك» دەيتىن ەلباسى ەگەمەندىكتىڭ ەلەڭ-الاڭىندا-اق ەرتەڭىمىزگە نىق سەندى. دۇنيەجۇزى قازاقتارى قۇرىلتايىنىڭ 1992 جىلى وتكەن العاشقى ماجىلىسىندە: «ورنىندا بار وڭالار» دەيتىن ەدى حالقىمىز. شۇكىر, ەل ورنىندا, جەر ورنىندا. جەرگە جەتەر ەشتەڭە جوق, جەردەن وتەر بايلىق جوق. جەر بولسا – ەل بولادى, ەل بولسا – ەر بولادى. وسىنداي جەرىمىز باردا, ەلىمىز باردا, وزدەرىڭىزدەي ەرىمىز باردا ءبىز ەشكىمنەن كەم بولمايمىز! زامان تىنىشتىعىن بەرسە, بۇگىنگى داعدارىستان دا شىعارمىز. تاۋەلسىز قازاقستان داۋلەتىنە ساۋلەتى ساي قۋاتتى مەملەكەتكە اينالار. قازاق حالقى الەمدىك وركەنيەتكە قازىرگىدەن گورى قوماقتى ۇلەس قوسار. دالامىزدا دا, قالامىزدا دا شادىمان تۇرمىس, شات تىرلىك ورنار. بۇيىرتسا, بۇگىنگى قۇرىلتايعا قاتىسقان قادىرمەندى قوناقتارىمىزدىڭ ءوزى تۋعان قازاقستانىمىزدىڭ گۇلدەپ-كوركەيگەنىنە تاياۋ جىلداردا-اق كۋا بولادى دەپ كامىل سەنەمىز», دەدى. ويتكەنى, حالقىنا سەندى.
ول كۇن دە كەلدى.
قازاقستان الدىمەن ءوزىن الەمگە تانىتتى, ودان كەيىن مويىنداتتى, ودان كەيىن قۇرمەتتەتتى. الدىمەن ءۇي بولۋدى قامداپ, ءوز بەتىنشە مەملەكەت قۇرا الاتىنىن, وزگەلەرمەن تەرەزەسى تەڭ تۇرا الاتىنىن تانىتتى, بىرتە-بىرتە بي تۇسەتىن ءۇي بولۋدى قامداپ, الەمنىڭ باتىسى مەن شىعىسىنان كەلگەندەرگە دوس پەيىلىن كورسەتتى, بارا-بارا ءوزى دە بي بولۋدى قامداپ, ەۋروپاداعى قاۋىپسىزدىك پەن ىنتىماقتاستىق ۇيىمىنىڭ توراعالىعىنا قول جەتكىزىپ, توبەبيلىك ەتتى.
پرەزيدەنت نۇرسۇلتان نازارباەۆ بۇل بيىكتى دە قاناعات تۇتىپ قالعان جوق, وسىدان 4 جىل بۇرىن ەلدى الەمدەگى ەكونوميكاسى باسەكەگە بارىنشا قابىلەتتى 50 مەملەكەتتىڭ قاتارىنا قوسۋ مىندەتىن قويدى.
ەلباسىمىز وتكەن جىلدىڭ اياعىندا «قازاقستان – 2050» ستراتەگياسىن جاريالاپ, وندا «قازاقستان 2050 جىلعا قاراي الەمنىڭ ەڭ دامىعان وتىز ەلىنىڭ قاتارىندا بولۋعا ءتيىس» دەپ مالىمدەدى. بۇل كەزدە ەلدىڭ ەلۋلىككە ەنۋ ماقساتى تولىقتاي ورىندالا قويعان جوق بولاتىن. بىراق, نازارباەۆ ول مىندەتتىڭ شەشىلۋى تاياۋ تۇرعانىنا سەندى. ويتكەنى, حالقىنا سەندى.
ول كۇن دە كەلدى.
بۇكىلالەمدىك ەكونوميكالىق فورۋم 2013 جىلدىڭ 4 قىركۇيەگى كۇنى جاھاندىق باسەكەلەستىك تۋرالى جىلدىق ەسەبىن جاريالاپ, قازاقستان وسى ەسەپ بويىنشا الەمدەگى 148 ەلدىڭ اراسىنان 50-ءشى ورىندى يەلەنگەنىن حابارلادى. «ەلۋلىككە ەنۋ – ەل تاريحىنداعى ەرەكشە وقيعا» دەپ جازدى سول كۇندەرى «ەگەمەن قازاقستان».
الدىڭعى كۇنى, دامۋشى نارىقتاردىڭ ەۋرازيالىق فورۋمىندا جاساعان بايانداماسىندا ەلباسىمىز مەملەكەتتىڭ الەمدەگى ەڭ دامىعان 30 ەلدىڭ قاتارىنا قوسىلۋىنىڭ ءجون-جوباسىن بەلگىلەپ, جولىن ايقىندادى. «ءىس-قيمىلدىڭ ەگجەي-تەگجەيلى جوسپارى جاسالىپ جاتىر جانە جاقىن ارادا جاريالاناتىن بولادى», دەدى نۇرسۇلتان نازارباەۆ. ايتسە دە, ءبىز وسى باياندامانىڭ وزىنەن مەملەكەتتىڭ مەرەيلى ماقساتىنا جەتۋىنىڭ نەگىزگى باعىتتارىن ايقىن كورىپ وتىرمىز.
تۋعان حالقىن جان-تانىمەن سۇيەتىن, سۋىعىنا توڭىپ, ىستىعىنا كۇيەتىن, ويىن «ماعان ارى ءۇشىن جانىن ساداعا ەتەتىن وسىنداي تەكتى حالىققا, مەنى ۇلىم دەپ, پەرزەنتىم دەپ توبەسىنە كوتەرگەن حالىققا, ارعى-بەرگىدەگى قازاق بالاسىنىڭ بىردە-ءبىرىنىڭ پەشەنەسىنە بۇيىرماعان باقىتتى – تولىققاندى, تاۋەلسىز مەملەكەت قۇرۋدىڭ باسىندا بولۋ باقىتىن بۇيىرتقان حالىققا قىزمەت ەتۋدەن ارتىق ەشتەڭەنىڭ كەرەگى جوق, وسى جولدا مەن بويىمداعى بار قايرات-قابىلەتىمدى, ءبىلىم-بىلىگىمدى اياماي جۇمسايمىن, قانداي تاۋەكەلگە دە بارامىن» دەپ تۇيەتىن پرەزيدەنت ۋاقىت ادامزات الدىنا ءبىر سىناقتان كەيىن ءبىر سىناقتى كولدەنەڭ تارتىپ تۇرعان قازىرگىدەي كۇردەلى كەزەڭدە دە بويىنداعى باستى قۋاتتى ەلگە دەگەن سەنىم
