قىزىلوردا وبلىسى بويىنشا 183,1 مىڭ گەكتارعا ەگiس ەگۋ جوسپارلانىپ وتىر. ونىڭ ىشىندە نەگىزگى داقىل كۇرiشتىڭ كولەمى 88,2 مىڭ گەكتار. ال, باسقا ءداندi داقىلدار 9,8 مىڭ, مايلى داقىلدار 6 مىڭ, مال ازىقتىق داقىلدارى 61,6 مىڭ, كارتوپ, كوكونiس, باقشا 17,7 مىڭ گەكتارعا ەگىلەدى.
بۇگىندە وڭىردە ەگىلگەن ەگىس كولەمى 27,8 مىڭ گەكتار, ونىڭ ىشىندە 3,8 مىڭ (100,5%) گەكتارى - جازدىق بيداي, 600 گەكتارعا (جوسپاردىڭ 105,6%) جازدىق ارپا, 4,8 مىڭ گەكتار(85,7%) – ماقسارى, 18,6 مىڭ گەكتار (98,9%)– جوڭىشقا.
ءوڭىردىڭ نەگىزگى داقىلى «كۇرىشتى» ەگۋ جۇمىستارى ءساۋىر ايىنىڭ 20-نان كەيىن باستالادى دەپ كۇتىلۋدە.
وبلىستا ەگىس كولەمدەرىن ءارتاراپتاندىرۋ باعىتىندا بيىلعى جىلى سويا داقىلىن 290 گەكتارعا, قانت قىزىلشاسىن 200 گەكتارعا ۇلعايتۋدى جانە 164 گەكتار جەرگە جەمىس-جيدەك, ءجۇزىم وتىرعىزۋ مەجەلەنىپ وتىر. بۇرىن وبلىستا 366,7 گەكتارعا – الما, 2,2 گەكتارعا – ءجۇزىم, 37,4 گەكتارعا – باسقا جەمىس-جيدەكتەردىڭ تۇرلەرى ەگىلەتىن.
سونىمەن قاتار, سۋ ۇنەمدەۋ تەحنولوگياسىن قولدانۋ ارقىلى بارلىعى 200 گەكتار جەرگە اۋىل شارۋاشىلىعى داقىلدارىن ورنالاستىرۋ جوسپارلانۋدا. ونىڭ 80 گەكتارىنا ىلعال ساقتاعىش تەحنولوگياسىن پايدالانۋ ارقىلى 80 گەكتارعا كۇزدىك بيداي ەگىلگەن. تامشىلاتىپ سۋارۋ ادىسىمەن – 23 گەكتارعا جەمىس, كوكونىس, باقشا داقىلدارى, جاڭبىرلاتىپ سۋارۋ ادىسىمەن – 97 گەكتارعا جۇگەرى, جوڭىشقا داقىلدارى ەگىلەدى.
ايماقتا ەگىستىككە قاجەتتى مينەرالدىق تىڭايتقىشتار مەن تۇقىمدىق ماتەريالدار تولىق قامتاماسىز ەتىلگەن. اۋىل شارۋاشىلىعى تەحنيكالارى تولىقتاي دايىندالىپ, ەگىس ەگۋ ناۋقانىنا قاتىسۋدا.
وبلىسقا 2020 جىلدىڭ كوكتەمگى ەگىس جانە دالا جۇمىستارىن جۇرگىزۋگە 14 مىڭ توننا ارزانداتىلعان ديزەل وتىنى بولىنگەن. ناۋرىز ايىنا بولىنگەن 3250 توننا ديزەل وتىنى وبلىسقا جەتكىزىلىپ, شارۋاشىلىقتارعا تولىعىمەن تاراتىلدى. ءساۋىر ايىنا بولىنگەن 4615 توننا ديزەل وتىنىنا تولىق كەلىسىم-شارت جاسالىپ, 1479 توننا ديزەل وتىنى وبلىسقا جەتكىزىلىپ, ونىڭ 700 تونناسى شارۋاشىلىقتارعا تاراتىلدى.
مەملەكەت باسشىسىنىڭ ديزەل وتىنىنىڭ باعاسىن ارزانداتۋ بويىنشا بەرگەن تاپسىرماسىنا سايكەس, بۇگىندە ارزانداتىلعان ديزەل وتىنىنىڭ باعاسى ءار ليترگە 162 تەڭگەنى قۇراپ وتىر.
وبلىستا 2020 جىلى مەجەلەنگەن ەگىس كولەمدەرىنە سايكەس, كوكتەمگى دالا جانە ەگىس ەگۋ جۇمىستارىنا قاجەتتى قارجى كولەمى 8,5 ملرد. تەڭگەنى قۇراپ وتىر.
«اگرارلىق نەسيە كورپوراتسياسى» اق ارقىلى 19 شارۋاشىلىق قۇرىلىمى 339,4 ملن تەڭگەگە, «اگروحولدينگ قىزىلوردا» جشس ارقىلى 34 شارۋاشىلىق قۇرىلىمى 489,6 ملن تەڭگەگە قارجىلاندىرىلعان. فەرمەرلەردى قارجىلاندىرۋ جۇمىستارى جالعاستىرىلۋدا.
