«Lovol 604» موديفيكاتسيالانعان مودەلىنىڭ العاشقى توپتاماسى قالا كوشەلەرىنە دەزينفەكتسيا جۇمىستارىن جۇرگىزۋ ءۇشىن ايماقتاعى «ابز پليۋس» كومپانياسىنا جەتكىزىلدى.
«Lovol» تراكتورلارى - ءتۇرلى اسپالى, جارتىلاي اسپالى جانە تىركەمە جابدىقپەن جابدىقتالادى, وسىلايشا ولار اۋىل جانە كوممۋنالدىق شارۋاشىلىق سالاسىندا, قۇرىلىستا جانە باسقا دا باعىتتاردا ءتيىمدى پايدالانىلادى.
اتالمىش تراكتورلاردىڭ ماڭىزدى ەرەكشەلىكتەرىنىڭ ءبىرى ەۋروپالىق ديزاينىندەگى جىلىتۋ جانە كونديتسيونەرى بار ءۇشىنشى بۋىن كابيناسى. سونىمەن قاتار تراكتور گيدروناسوسپەن جانە قۋاتى ۇلعايتىلعان قوزعالتقىشپەن جابدىقتالعان. ەستەرىڭىزگە سالا كەتەيىك, 35-تەن 130 ا.ك. دەيىنگى «Lovol» تراكتورلارىنىڭ جيىنى قوستانايدا وتكەن جىلدان بەرى شىعارىلا باستادى. وتاندىق ءوندىرۋشى «اگروماشحولدينگ KZ» تراكتورلارىن «برك-ليزينگ» اق, «قازاگروقارجى» اق جانە «اگرارلىق نەسيە كورپوراتسياسى»اق ارقىلى ساتىپ الۋعا بولادى.
«اگروماشحولدينگ KZ» اق - قازاقستانداعى «ESSIL» ماركالى استىق جينايتىن كومباينداردى, LOVOL تراكتورىن, كەڭ اسسورتيمەنتتەگى قوسىمشا ونىمدەردى وندىرەتىن جالعىز ونەركاسىپتىك كاسىپورىن, سونىمەن قاتار قازاقستان اۋماعىندا «گومسەلماش» ااق ونىمدەرىنىڭ ەكسكليۋزيۆتى ديستريبيۋتورى بولىپ تابىلادى.
سونىمەن قاتار كاسىپورىن قولدانىستاعى ءوندىرىستى جاڭعىرتۋ, شىعارىلاتىن ءونىم جەلىسىن كەڭەيتۋ بويىنشا ۇنەمى بەلسەندى جۇمىس جۇرگىزەدى.
كومپانيا ەلىمىزدىڭ بارلىق استىق ەگەتىن وڭىرلەرىندە 8 فيليالى مەن 11 وكىلدىكتى قامتيتىن ءىرى قىزمەتتىك-وتكىزۋ جەلىسىنە يە. كاسىپورىندا اۋىل شارۋاشىلىعى تەحنيكاسىن جۇزەگە اسىرۋ, سونداي-اق سەرۆيستىك قىزمەت كورسەتۋ سالاسىندا ۇلكەن جۇمىس ءوتىلى بار 150 جوعارى بىلىكتى مامان ەڭبەك ەتەدى.
