اقش سيريانىڭ وپپوزيتسيالىق جاساقتارىن قارۋدىڭ كەيبىر تۇرلەرىمەن قامتاماسىز ەتۋدە. بۇل تۋرالى ۆاشينگتوندا وتكەن ءباسپاسوز كونفەرەنتسياسىندا سيريانىڭ وپپوزيتسيا مەن رەۆوليۋتسيالىق كۇشتەرى ۇلتتىق وداعىنىڭ وكىلى حاليد سالەحتىڭ بەرگەن مالىمەتىنە سىلتەمە جاساعان يتار-تاسس حابارلادى.
حاليد سالەح اكىمشىلىك پەن كونگرەستە كەزدەسۋ وتكىزىپ, امەريكا زاڭ شىعارۋشى ورگاندارىن سيرياداعى اسكەري قيمىلداردى سانكتسيالايتىن قاراردى ماقۇلداۋعا شاقىرماقشى.
بۇدان بۇرىن اقش پرەزيدەنتى اكىمشىلىگى سيريا وپپوزيتسياسى اراسىندا ەكسترەميستىك توپتاردىڭ, ونىڭ ىشىندە «ال-كايدا» قۇرىلىمىمەن تىكەلەي بايلانىستاعى «دجەبحات ان-نۋسرا» توبىنىڭ سودىرلارى كوبەيۋىنە وراي, ولارعا قارۋ-جاراق جەتكىزۋدەن باس تارتقان بولاتىن.
اقش سيريا وپپوزيتسياسىن تەك اسكەري ەمەس قۇرالدارمەن قامتاماسىز ەتەتىن. الايدا, حاليد سالەحتىڭ ايتۋى بويىنشا, جاقىن ارادان باستاپ ولار اسكەري قارۋدىڭ كەيبىر تۇرلەرىمەن «سيريا ازاتتىق اسكەرى» جوعارعى اسكەري ۇيىمىن جابدىقتاۋدا.
ايدار ورىسباەۆ.
