جۇقپالى ىندەتتىڭ كۇرت بەلەڭ الۋى جاستاردىڭ قالىپتى باستاماسىن باسقا ارناعا بۇرىپ, جۇمىستى كۇشەيتىلگەن جاعدايدا ىستەۋدە ءماجبۇر ەتكەنى انىق. راسىمەن دە ۆولونتەرلەردىڭ توتەنشە جاعداي كەزىندەگى ەڭبەگى ەرەسەن. كوروناۆيرۋس ينفەكتسياسىنىڭ جىلدام تارالۋى كارانتين اۋماعىنداعى تۇرعىنداردىڭ كومەككە مۇقتاجدىعىن دا ەسەلەپ ارتتىردى. وسى قيىن-قىستاۋ ساتتە سالماقتىڭ ءبىر ۇشى ەرىكتى جاستارعا ءتۇسىپ تۇرعانىن ايتۋىمىز كەرەك. قازىر كوپ بالالى وتباسىلار مەن الەۋمەتتىك جاعىنان از قامتىلعان اۋلەتتەرگە تەگىن ازىق-ت ۇلىك تاراتۋ, مەديتسينالىق زاتتار مەن باسقا دا كەرەك-جاراقپەن قامتۋ ءىسىنىڭ باستاۋىندا ۆولونتەرلار ءجۇر. الماتى وبلىسىندا بۇل باعىتتاعى جۇمىس «مەيىرىمدى جەتىسۋ» فرونت-كەڭسەسىنىڭ اياسىندا ىسكە اسىرىلۋدا. توتەنشە جاعداي جاريالانعان العاشقى كۇننەن باستاپ بۇل جەردە تۇرعىنداردىڭ ءوتىشىنىن قابىلدايتىن قاۋىرت جەلى ىسكە قوسىلعان بولاتىن. بۇگىنگە دەيىن 2634 ادام فرونت-كەڭسەگە حابارلاسىپ, كومەك سۇراعان. ونىڭ ىشىندە 1098 ادام الەۋمەتتىك كومەككە مۇقتاجدىعىن ايتىپ, ازىق-ت ۇلىكپەن قامتۋدى وتىنسە, 302 تۇرعىن قاشىقتان وقىتۋعا قاتىستى سۇراق قويعان. ال قاۋىرت جەلىگە حابارلاسقان 368 ادام دەنساۋلىق ساقتاۋ سالاسىنا قاتىستى ءوتىنىش ايتىپ, مامانداردىڭ كومەگىنە ءزارۋ ەكەنىن ايتقان. سونداي-اق 404-404 تەلەفون نومىرىنە 42 500 تەڭگە كولەمىندەگى الەۋمەتتىك تولەمگە قاتىستى انىقتاما الۋ ءۇشىن بىرەر تاۋلىك ىشىندە 864 ادام قوڭىراۋ شالىپتى.
جالپى, «مەيىرىمدى جەتىسۋ» فرونت-كەڭسەسىنىڭ ەرىكتىلەرى الەۋمەتتىك جاعدايى تومەن, از قامتىلعان جانە كوپبالالى وتباسىلار مەن جالعىزباستى انالارعا قول ۇشىن سوزۋدان ايانىپ وتىرعان جوق. قازىرگە دەيىن 7501 وتباسىنا كومەك كورسەتىلىپ, ازىق-ت ۇلىكپەن قامتاماسىز ەتىلگەن. جانە وبلىستا ەرىكتىلەردىڭ اتسالىسۋىمەن 46000 دانا مەديتسينالىق بەتپەردە تىگىلىپ, تۇرعىندارعا تاراتىلدى. سونداي-اق جاستار 936 رەت قايىرىمدىلىق اكتسياسىن وتكىزگەن. شار اياسىندا ۆولونتەرلەر دەزينفەكتسيالىق جۇمىستارعا اتسالىسۋ, ازىق-ت ۇلىك تاسىمالداۋ, مەديتسينالىق انتيسەپتيك, جەكە گيگيەنالىق زاتتار جانە ماسكامەن قامتاماسىز ەتۋمەن اينالىستى. ايماقتاعى جالعىزباستى قاريالاردىڭ ۇيىنە تازالىق جۇمىستارىن جۇرگىزۋ دە جاستار ءۇشىن تۇراقتى ىسكە اينالدى.
تالدىقورعاندىق العىر ازامات ديدار جۇماحاننىڭ ەرىكتىلەر قاتارىنا قوسىلعانىنا جاقىندا ەكى جىل تولدى. ول 2018 جىلى جەتىسۋداعى ۆولونتەر جاستاردىڭ ۇيىمىنا جۇرەك قالاۋىمەن كەلىپ قوسىلعان ەكەن. قازىر «مەيىرىمدى جەتىسۋ» فرونت-كەڭسەسىندە اۆتوەرىكتى رەتىندە ەڭبەكتەنۋدە.
- جاقسىلىق جاساۋ, جىعىلعانعا سۇيەۋ, جىلاعانعا تىرەۋ بولۋ – كەز كەلگەن ادامنىڭ قولىنان كەلەتىن ءىس. ءتىپتى بۇل قازاق حالقىنىڭ ءومىر زاڭدىلىعى مەن كۇندەلىكتى تۇرمىس-تىرشىلىگىنە ءسىڭىسىپ كەتكەن يگىلىك دەپ ويلايمىن ءوز باسىم. 2018 جىلدان باستاپ تالدىقورعانداعى ەرىكتىلەر ۇيىمىنىڭ بەلسەندى مۇشەسىمىن. مەن ۆولونتەرلىك جولدى تاڭداۋىمنىڭ سەبەبىن ادامدارعا جاقسىلىق جاساپ, قوعامعا تيتتەي بولسىن پايدامدى تيگىزۋ دەپ تۇسىندىرسەم, ارتىق بولامايتىن شىعار. ءبىز قازىر مۇنى ءوز ىسىمىزبەن دالەلدەپ ءجۇرمىز. ەلىمىزدە بولىپ جاتقان توتەنشە جاعدايعا بايلانىستى الماتى وبلىسى جاستار ساياساتى باسقارماسى جانىنان قۇرىلعان «مەيرىمدى جەتىسۋ» فرونت – كەڭسەسىنە اۆتوۆولونتەرلەر اسا قاجەت بولىپ تۇر. ويتكەنى قاۋىرت جەلىگە حابارلاسقان ادام سانى كۇرت كوبەيدى. مۇقتاج جاندارعا كومەك بەرۋ ءۇشىن, قاجەتتى زاتتاردى جەتكىزۋ ءۇشىن كولىك ۇنەمى قاجەت. ءبىز بۇل جۇمىستان استە تارتىنبايمىز. بۇگىنگە دەيىن ءبىزدىڭ اۆتوۆولونتەرلەر 2635 وتباسىنا ازىق-ت ۇلىك, ءدارى-دارمەكتەر جەتكىزگەن ەكەن. ارينە, بۇل مەنىڭ عانا ەمەس ىستەپ جاتقان جۇمىسىم ەمەس, دوستارىمنىڭ جانە ءوز ءىسىنىڭ شەبەرىنە اينالعان بارلىق ەرىكتىلەردىڭ, مامانداردىڭ ورتاق ەڭبەگى. قازىر كوروناۆيرۋستىڭ تارالۋى جيىلەپ كەتتى عوي, وسى كۇندە اكە-شەشەم قاتتى الاڭدايتىن بولدى. مەن ول كىسىلەرگە ەرىكتى ەكەنىمدى ەسكەرتىپ, توتەنشە جاعدايعا بايلانىستى تۇرعىندارعا كومەگىمدى تيگىزۋ كەرەك ەكەنىن ءتۇسىندىردىم. ال ءوزىم اۆتوۆولونتەر بولۋ – العىس پەن باتا الۋ دەپ ويلايمىن ءارى جۇمىسىمدى جالعاستىرا بەرەمىن, - دەيدى تالدىقورعاندىق اۆتوەرىكتى ديدار جۇماحان.
ايتپاقشى, وسى ماقالانى دايىنداۋ بارىسىندا ءبىز ىلە اۋدانىنداعى ەرىكتىلەر قوزعالىسىنىڭ ۇيلەستىرۋشىسى داستان ەرۋباەۆپەن كەشقۇرىم ونلاين بايلانىسقا شىعۋعا كەلىسىپ, ناقتى ۋاقىت بەلگىلەگەن ەدىك. الايدا, ەرىكتىنى ۇزاق كۇتۋگە تۋرا كەلدى. ارادا ءبىر ساعاتتاي وتكەندە تەلەفونمەن حابارلاسىپ, ءسوزدى قىسقا قايىرعان ۆولونتەر بىزگە قاجەت اقپاراتتى تۇندە جازىپ جىبەرەتىنىن ەسكەرتتى.
...داستاننىڭ WhatsApp جەلىسىنە جازعان حابارلاماسىن ەرتەسى بىراق وقىدىق. ول حاتتى ساعات تۇنگى 1 شاماسىندا جولداعان ەكەن, ءبىز بۇل ۋاقىتتا ۇيقى قۇشاعىندا ەدىك.
- اعا, ايىپقا بۇيىرماڭىز. سىزگە بەرگەن ۋادەمدى ۋاقىتىندا ورىنداي المادىم, ۇيگە كىرگەن بەتىم وسى. ۇيات بولماسىن دەپ, سۇراعان اقپاراتىڭىزدى تۇندەلەتىپ جازىپ وتىرمىن, - دەپ باستاپتى ول حابارلاماسىن. جاعداي بىلاي بولعان ەكەن: ۆولونتەر بىزبەن ونلاين بايلانىسقا شىعۋعا دايىندىق جاساپ وتىرىپ, الەۋمەتتىك جەلىدەن ىلە اۋدانى اۋماعىندا تۇراتىن كومەككە مۇقتاج ادام جايلى جازبانى كورىپ قالادى. دەرەۋ جازبا يەسىنە حابارلاسقان داستان الەۋمەتتىك جاعىنان از قامتىلعان اۋلەتتىڭ ازىق-ت ۇلىكسىز قالعانىن انىقتايدى. دەرەۋ ىسكە كىرىسكەن بۇل اۋدان اكىمدىگىنە حابارلاسىپ, مۇقتاج وتباسىنا كومەك ۇيىمداستىرىپتى.
- جۇمىس كۇنى اياقتالىپ قالعاندىقتان شۇعىل ارەكەت ەتۋگە تۋرا كەلدى. ەگەر ەرىكتىلەر دەمەۋشىلەر بەرگەن ازىق-ت ۇلىكتى مۇقتاج وتباسىنا جەتكىزىپ ۇلگەرمەگەندە, ول اۋلەت قينالىپ قالار ما ەدى. قازىر بىزگە ۋاقىتپەن ساناسپاي جۇمىس ىستەۋگە تۋرا كەلىپ تۇر, - دەپتى ءوز حابارلاماسىندا اعىنان جارىلعان داستان.
ارينە, ەرىكتىنىڭ بۇل ازاماتتىعىنا العىستان باسقا ايتىرمىز بار ما؟ جاس جىگىت جاراعان ەكەن. جالپى, ىلە اۋدانى جاستارىنىڭ ىزگى جولى جالعاسىپ جاتىر. اۋداندا توتەنشە جاعدايعا بايلانىستى تۇراقتى جۇمىسى توقتاپ, تابىس كوزىنەن ايىرىلعان جاندارعا, سونىمەن قاتار كوپ بالالى انالار مەن جاعدايى تومەن وتباسىلارعا جەكە كاسىپكەرلەر اتىنان كومەك ۇيىمداستىرۋدا. بۇل ءىستىڭ باسىندا ەرىكتى جاستار ءجۇر. بۇگىنگە دەيىن 1776 دانا الەۋمەتتىك ازىق-ت ۇلىك سەبەتى جاسالىپ, مۇقتاج جاندارعا تەگىن تاراتىلىپتى. بۇعان دا ۆولونتەرلەر اتسالىسقان. كوپ بالالى وتباسىلار مەن از قامتىلعان اۋلەتتەرگە 5000 دانادان استام ماسكا تاعى بەرىلگەن. داستاننىڭ ءوزى باس بولىپ اۋدانداعى «اسار ume» قورىن دايىنداعان 60 شاقتى ازىق ت ۇلىك سەبەتىن دە كومەك سۇراعان ۇيلەرگە جەتكىزىپ بەرىپتى.
- مىنە, «اrkaz Invest» جشس كومەگىمەن 3000 وتباسىعا تەگىن ازىق-ت ۇلىك جەتكىزىپ جاتىرمىز. بۇل ءىستىڭ بارىنە اۋدان جاستارى وتە بەلسەندى اتسالىسۋدا. قازىر جۇزدەن اسا ۆولونتەر كۇن سايىن اۋدان اكىمدىگىنىڭ جۇمىسىنا, ءتارتىپ ساقشىلارى كومەكتەسىپ, ەرىكتى تۇردە مىندەتتەرىن اتقارىپ ءجۇر, - دەيدى ىلە اۋدانىنداعى ەرىكتىلەر قوزعالىسىنىڭ ۇيلەستىرۋشىسى داستان ەرۋباەۆ.
