ماماندار ناۋقاس اۋرۋحاناعا اۋىر حالدە جەتكىزىلگەندىگىن ايتۋدا. اسا اۋىر وتانى ءۇش حيرۋرگ جاساعان. ناۋقاستىڭ ىشكى قۇرىلىسىنان شىققان تەمىردىڭ سالماعى 870 گرامم.
ء–بىزدىڭ اۋرۋحاناعا ارشالى اۋدانىنان اۋىر حالدە ناۋقاس كەلىپ ءتۇستى. ونىڭ اسقازانىنان تەمىر-تەرسەك زاتتار تابىلدى. ناۋقاستىڭ ايتۋىنشا, تۇرمەدە 18 قاراشا كۇنى ءوز-وزىنە قول جۇمساماق بولىپ, شەگە جۇتقان. ءبىرىنشى جولى 90-عا جۋىق شەگە جۇتسا, كەيىن جەلتوقسان ايىندا تاعى 30-عا جۋىق مەتالل كەسىندىلەرىن قىلعىتىپتى. ءوزىنىڭ ايتۋىنا قاراعاندا, ءبىرىنشى رەت تەمىر جۇتقاننان كەيىن ارتىنشا ماگنيتتى دە اتتاندىرعان. سول سەبەپتى دە مەتالل اسقازاندا ءبىر جەرگە جينالىپ تۇرعان,–دەيدى وبلىستىق كوپبەيىندى اۋرۋحاناسى حيرۋرگيا بولىمشەسىنىڭ مەڭگەرۋشىسى باۋىرجان احمەتوۆ.
35 جاستاعى ەر ازامات ەتس 166/5535 تۇزەتۋ كولونياسىندا قاماۋدا وتىرعان. ونىڭ بۇل ارەكەتى بوستاندىققا شىعۋدىڭ امالى بولسا كەرەك. ءبىر قىزىعى ناۋقاس مەتالل كەسىندىلەرىن جۇتىپ 4 اي جۇرگەن. ابىروي بولعاندا ىشكى قۇرىلىسى قاتتى زاقىمدانباي, امان قالعان.
–بىزگە كەلگەن كەزدەگى جاعدايى وتە اۋىر بولدى. ارىقتاپ جۇدەپ قالعان. جۇرەگى اينىپ, جانى قىسىلا باستادى. اسقازانىنىڭ وڭ جاعىنا قاراي قاتتى شانشىپ اۋىردى,–دەيدى وبلىستىق كوپبەيىندى اۋرۋحاناسى حيرۋرگيا بولىمشەسىنىڭ مەڭگەرۋشىسى باۋىرجان احمەتوۆ.
حيرۋرگتەر مۇنداي وتانى ءبىرىنشى رەت جاساپ وتىرعان جوق. ايتكەنمەن, 36 جىل ەڭبەك ءوتىلى بار دارىگەر ادامنىڭ ىشكى قۇرىلىسىنان وسىنشا كولەمدە تەمىر-تەرسەك الماعانىن ايتتى.
ء–بىر-ەكى ساعات تەكسەرىستەن كەيىن وتا جاساۋعا كىرىستىك. وتا بارىسىندا بارلىق تەمىردىڭ اسقازاندا ەكەنى انىقتالدى,–دەيدى وبلىستىق كوپبەيىندى اۋرۋحاناسى حيرۋرگيا بولىمشەسىنىڭ مەڭگەرۋشىسى باۋىرجان احمەتوۆ.
قازىر ناۋقاستىڭ ومىرىنە قاۋىپ ءتونىپ تۇرعان جوق. ول, وتا جاسالعاننان كەيىن ءبىر اپتا دارىگەرلەردىڭ باقىلاۋىندا بولعان. ودان سوڭ قايتادان تۇزەتۋ مەكەمەسىنە جەتكىزىلدى.
كوكشەتاۋ قالاسى.
