ريۆالدو 1972 جىلدىڭ 19 ساۋىرىندە پەرنامبۋكۋ شتاتىنىڭ پاۋليستا قالاسىندا تۋىپ-ءوستى. 1991-1996 جىلدار ارالىعىندا ول ءوز وتانىندا ونەر كورسەتسە, سودان كەيىنگى جەتى جىلىن يسپانيادا وتكىزدى. العاشىندا «دەپورتيۆودا», ودان كەيىن «بارسەلونادا» وينادى. اسىرەسە, كاتالونيالىق كلۋبتىڭ ساپىندا جاسىنداي جارقىراعان برازيليالىق لەگيونەر 1999 جىلى الەمنىڭ ەڭ ۇزدىك فۋتبولشىسى اتاندى. يسپانيا پرەمەر-ليگاسىندا ريۆالدو بارلىعى 198 ويىن وتكىزىپ, 107 رەت نىسانانى ءدال كوزدەدى.
برازيليانىڭ سۇرمەرگەنى كەيىننەن كوپتەگەن مەملەكتتەردە ونەر كورسەتتى. تىپتەن, وزبەكستاننىڭ «بۋنەدكورىندا» دا ويناعان كەزى ەسىمىزدە. 2008-2010 جىلدار ارالىعىندا تاشكەنتتىك كوماندانىڭ قۇرامىندا 61 رەت جاسىل الاڭعا شىعىپ, 37 مارتە مەرگەندىك تانىتتى.
ريۆالدو برازيليانىڭ جاستار, وليمپيادالىق جانە ۇلتتىق قۇراماسى ساپىندا دا ايشىقتى ونەرىمەن كوزگە ءتۇستى. 1996 جىلى اتلانتا وليمپياداسىندا كۇمىس السا, 1997 جىلى كونفەدەراتسيا كۋبوگىن ولجالادى. 1999 جىلى امەريكا كۋبوگىن توبەگە كوتەردى. 1998 جىلعى الەم چەمپيوناتىندا كۇمىس مەدالى موينىنا ىلسە, 2002 جىلى باس جۇلدەنى ولجالادى.
