بەلىگدى بولعانداي, اۋىل تۇرعىندارى جەرگىلىكتى جەردەگى مەديتسينالىق مەكەمەنىڭ كوروناۆيرۋس ينفەكتسياسىمەن اۋىرعان ازاماتتارمەن قارىم-قاتىناستا بولعانداردى وقشاۋلاۋ ءۇشىن قولدانىلاتىن وبسەرۆاتسيالىق ستاتسيونار رەتىندە پايدالانىلۋىنا ءوز نارازىلىقتارىن ءبىلدىردى. ال امبۋلاتوريانىڭ ىشىندە پاتسيەنتتەر بولماعان, ياعني, بوس تۇرعان. وقيعاعا وراي الماتى وبلىسى اكىمدىگىنىڭ ءباسپاسوز قىزمەتى تۇسىنىك بەردى.
- وكىنىشكە قاراي, تۇرعىندار اراسىنان بۇزاقىلار شىعىپ, عيماراتقا ماتەريالدىق شىعىن كەلتىرگەن. عيماراتتىڭ ەسىك-تەرەزەلەرىن بۇزىپ, ونداعى 30 توسەك پەن ماتراتستى سىرتقا لاقتىرعان. جينالعانداردىڭ ىشىندە جەكەلەگەن ادامدار الكوگولدىك ىشىمدىك ءىشىپ, ماس كۇيىندە بولعان. وقيعا ورنىنا قاراساي اۋدانىنىڭ اكىمى جانداربەك دالاباەۆ جينالعان تۇرعىندارمەن سويلەسۋگە كەلىپ, تۇسىندىرۋگە تىرىسقانىمەن اۋىل تۇرعىندارى اكىمنىڭ سوزىنە قاعاتتانباي, وبسەرۆاتسيالىق ستاتسيوناردى جابۋدى تالاپ ەتكەن. مۇنان سوڭ ماس كۇيىندەگى ازاماتتار قاراساي اۋداندىق پولتسيا بولىمىنە جەتكىزىلگەن. وسى وقيعا بويىنشا قاراساي اۋداندىق پوليتسياسى قىلمىستىق كودەكستىڭ 202-بابىنىڭ 1-بولىگىنە سايكەس, ياعني بوگدەنىڭ مۇلكىنە قاساقانا زيان كەلتىرۋ ارەكەتى بويىنشا قىلمىستىق ءىس قوزعالدى. توتەنشە جاعداي كەزىندە زاڭسىز ارەكەتتى ۇيىمداستىرىپ, بۇزاقىلىققا باستاعانى ءۇءشىن كىنالىلەر قاتاڭ جازالانادى, - دەيدى وبلىس اكىمىنڭ ءباسپاسوز حاتشىسى عالىمۇرات جۇكەل.
سونداي-اق, الماتى وبلىسىنىڭ اكىمدىگى تۇرعىنداردى كورىنەۋ جالعان اقپاراتتارعا سەنبەۋگە, تەك رەسمي مالىمەتتەرگە دەن قويۋعا شاقىرادى. تەكسەرىلمەگەن اقپارات كوزدەرىنەن كورىنەۋ جالعان اقپارات تاراتقاندار, وسى تەكتەس ارەكەتتەرگە جول بەرگەندەر ەلىمىزدىڭزاڭنامالارىنا سايكەس جاۋاپقا تارتىلاتىنىن دا ەسكەرتۋدە.
