بلوگەر اتا-انا مينيسترلىك وكىلدەرىمەن, قوعام قايراتكەرى, مۇعالىم, اتا-انالارمەن وتكەن جيىندا مەكتەپ جاسىنداعى ءۇش بالاسى بار اكە رەتىندە قاشىقتان وقىتۋ جۇيەسى بويىنشا ءوز وي-پىكىرىن ءبىلدىردى.
«قازىر ءۇش بالام ءبىر مەكتەپتە وقىسا دا, ۇشەۋى ءار ءتۇرلى ادىسپەن وقيدى. مىسالى, 1-سىنىپتىڭ بالاسىنا مۇعالىمى ساباقتى ءتۇسىندىرىپ, ارنايى ۆيدەو جازىپ جىبەرەدى. ال 3, 4-سىنىپ وقۋشىلارى «Bilimland.kz»-تە جەكە كابينەتتەرىندە جۇكتەلگەن تاپسىرمالاردى ورىنداپ, مۇعالىمگە جىبەرەدى. مۇعالىمى باعاسىن «Kundelik.kz»-كە جۇكتەپ قويادى. بالا جۇيەگە كىرىپ, العان باعاسىن كورگەننەن كەيىن ءوز بەتىمەن وقۋ كەرەك ەكەندىگىن, مەكتەپكە بارماسا دا, مۇعالىمنىڭ باقىلاۋىندا ەكەنىن جاقسى ءتۇسىندى. ەلىمىزدە قاشىقتان وقىتۋ باستالعالى بالالار ساباقتى ءوز بەتىمەن ورىنداپ, ۋاقىتتارىن دۇرىس ۇيىمداستىرۋدى ۇيرەندى»,- دەدى ا.توقاباەۆ.
سونداي-اق, بلوگەر قاشىقتان وقىتۋ باستالعالى اتا-انالار بالاسى باعا ءۇشىن ەمەس, ساپا ءۇشىن وقۋى كەرەك ەكەنىن تۇسىنە باستاعاندىعىن ايتتى.
كونفەرەنتسيا بارىسىندا اتا-انا مينيسترلىك وكىلدەرىنە: «نازارباەۆ ۋنيۆەرسيتەتى, كبتۋ, KIMEP سياقتى ۋنيۆەرسيتەتتەردە شەت مەملەكەتتەن كەلىپ ءبىلىم بەرەتىن تانىمال عالىمداردىڭ لەكتسيالارىن باسقا قالالارداعى ستۋدەنتتەر دە كورە الاتىنداي قولجەتىمدى بولسا ەكەن. عالىمداردىڭ ءدارىسىن, ءار سالاداعى ۇزدىك مامانداردىڭ وزەكتى ويلارىن ءبىز دە تىڭداعىمىز كەلەدى. بالكىم مۇنداي دارىستەر تۇسىرىلگەن دە شىعار, بىراق سونىڭ بىزدە ناسيحاتى, جەتكىزۋ ءتاسىلى كەمشىن سەكىلدى», دەپ ۇسىنىسىن جەتكىزدى.
