ساپار بارىسىندا باقىتجان ساعىنتاەۆ سالىنىپ جاتقان «Terra» سك, ناۋرىزباي اۋدانىنداعى زاڭدى تۇلعالارعا ارنالعان حقكو, «Hyundai Trans Kazakhstan», ازتم جانە «الماتىەنەرگوسەرۆيس» زاۋىتتارىن ارالاپ كوردى.
جۇمىستى قايتا باستاۋدىڭ ەڭ باستى شارتى – قىزمەتكەرلەردىڭ سانيتارلىق قاۋىپسىزدىگىن قامتاماسىز ەتۋ. قۇرىلىس الاڭدارى مەن كاسىپورىنداردا دەزينفەكتسيالاۋ جۇمىستارى تۇراقتى تۇردە جۇرگىزىلۋى ءتيىس. قىزمەتكەرلەر جەكە قورعانىس قۇرالدارىمەن قامتاماسىز ەتىلەدى. كىرەبەرىستەردە زارارسىزداندىرۋ ستانتسيالارى جابدىقتالادى, سونداي-اق, جۇمىسشىلاردىڭ دەنە قىزۋى تەكسەرىلەتىن بولادى. قولجەتىمدى جەرلەردە سانيتايزەرلەر ورنالاستىرىلىپ, جۇمىس ورىندارىندا جانە اسحانالاردا قاۋىپسىز قاشىقتىق قامتاماسىز ەتىلەدى.
«قىزمەتكەرلەردىڭ قاۋىپسىزدىگى ۇنەمى قامتاماسىز ەتىلۋى ءتيىس. بۇل ورىندالۋى ءتيىس جۇمىستاردى تەكسەرەتىن قۇرامىندا سانەپيدەميولوگتار مەن «اتامەكەن» ۇكپ وكىلدەرى بار كوميسسيانىڭ باستى تالابى. قۇقىق بۇزۋشىلىق ورىن العان جاعدايدا جۇمىس بەرۋشى جاۋاپكەرشىلىككە تارتىلادى. ال كومپانيا قىزمەتىن تج رەجيمى اياقتالعانعا دەيىن توقتاتامىز», – دەپ اتاپ ءوتتى باقىتجان ساعىنتاەۆ.
ساپار بارىسىندا قالا اكىمى تەز قۇراستىرىلاتىن مودۋلدىك بلوكتاردان تۇراتىن گوسپيتال قۇرىلىسىنىڭ بارىسىمەن تانىستى. 280 ورىنعا ارنالعان گوسپيتال بايلانىستا بولعاندار مەن سوVID-19 ينفەكتسياسىنا كۇدىگى بار ادامدارعا ارنالعان. نىسان 90% -عا دايىن. قازىرگى ۋاقىتتا پەرسونال ىرىكتەلىپ, جابدىقتار جيناقتالۋدا. باقىتجان ساعىنتاەۆ دارىگەرلەر جۇمىسى مەن ناۋقاستاردى ەمدەۋ ءۇشىن قاۋىپسىزدىكتىڭ جوعارى دەڭگەيىن قامتاماسىز ەتۋگە ەرەكشە نازار اۋداردى.
