«پوليتسيا دەپارتامەنتى سوڭعى كەزدەرى پوليتسەيلەرگە قول كوتەرۋ وقيعالارىنىڭ جيىلەپ كەتكەنىن حابارلايدى. 17 ساۋىردە 30 جاستاعى ەر ادام كارانتين رەجيمىن بۇزىپ, مەكتەپ اۋماعىنداعى سپورتتىق الاڭدا جاتتىققان. پوليتسيانىڭ الاڭنان كەتۋ تۋرالى تالابىن ەلەمەي, قىزمەتكەرلەردى باسپەن سوققان», - دەلىنگەن دەپارتامەنتتىڭ حابارلاماسىندا.
زاڭبۇزۋشى «الماتى» اۋداندىق پوليتسيا باسقارماسىنا جەتكىزىلگەن جانە قر قىلمىستىق كودەكسىنىڭ 380-بابى (بيلىك وكىلىنە قاتىستى زورلىق-زومبىلىق) بويىنشا قىلمىستىق ءىس قوزعالدى. بۇل باپتا 7 جىلدان 12 جىلعا دەيىن باس بوستاندىعىنان ايىرۋ جازاسى كوزدەلگەن. «ەر ادام نۇر-سۇلتان قالالىق پوليتسيا دەپارتامەنتىنىڭ ۋاقىتشا وقشاۋلاعىشىنا قامالدى. قازىرگى ۋاقىتتا پوليتسيا قىزمەتكەرلەرىنە ءجابىر كورسەتۋ, زورلىق-زومبىلىق فاكتىلەرى بويىنشا قىلمىستىق ىستە تاراپتاردىڭ مامىلەگە كەلۋى پراكتيكاسى الىنىپ تاستالعانىن ەسكە سالامىز», - دەيدى دەپارتامەنت.
