سوڭعى تىركەلگەن 4 ناۋقاس ەڭبەكشىقازاق اۋدانىنىڭ اۋماعىنان شىقتى. ولار بۇعان دەيىن انىقتالعان ناۋقاستارمەن تىعىز بايلانىستا بولعان ەكەن. جالپى, قازىر الماتى وبلىسىندا 8240 ادام ستاتتسيونارلىق كارانتيدە جاتسا, 475 ادام ۇيدە وقشاۋلانعان.
ايماق دارىگەرلەرىنىڭ اراسىنداعى ىندەت جۇقتىرۋ دەرەگى ىلە اۋدانىدا تىركەلدى. كوروناۆيرۋس بەلگىسى تابىلعان اۋداندىق اۋرۋحانانىڭ تەراپەۆت دارىگەرى وقشاۋلانعان, ونىمەن بايلانىستا بولعان ەكى مەدبيكە باقىلاۋدا. ال ىندەت شىققان اۋرۋحانا بولىمىندەگى كارانتين شاراسى كۇشەيتىلىپ, ەم-دوم الىپ جاتقان 320 ناۋقاس تا وقشاۋلانعان.
