وسى ورايدا اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ رەكتورى, پەداگوگيكا عىلىمدارىنىڭ دوكتورى, پروفەسسور تاحير بالىقباەۆتىڭ باسشىلىعىمەن ەلىمىزدەگى جوعارى وقۋ ورىندارىنىڭ ءارى قارا شاڭىراعى, ءارى ادىستەمەلىك بازاسى بولىپ تابىلاتىن اباي اتىنداعى قازاق ۇلتتىق پەداگوگيكالىق ۋنيۆەرسيتەتىندە جاڭارتىلعان ءبىلىم بەرۋ مازمۇنى اياسىندا بولاشاق مامانداردى دايارلاۋدا تىڭ وزگەرىستەر مەن جاڭالىقتار قارقىندى ءجۇرىپ جاتىر.
سونداي ماڭىزدى قادامداردىڭ ءبىرى – ۋنيۆەرسيتتە پروفەسسور-وقىتۋشىلار قۇرامىنىڭ بىلىكتىلىگىن كوتەرۋگە ەرەكشە كوڭىل ءبولۋ. مىسالى, 2018-2019 وقۋ جىلىندا 159 وقىتۋشى رەسپۋبليكالىق «ورلەۋ» ۇلتتىق بىلىكتىلىكتى جەتىلدىرۋ ورتالىعىندا كۋرستاردان وتسە, ۋنيۆەرسيتەت بازاسىندا اشىلعان «قىسقى جانە جازعى» مەكتەپتەردە 200-گە جۋىق وقىتۋشى ءبىلىمىن جەتىلدىردى. سەبەبى بولاشاق پەداگوگتاردى دايارلاۋمەن اينالىساتىن پروفەسسور-وقىتۋشىلار جان-جاقتى ىزدەنىپ, بىلىكتىلىكتەرىن جوعارى دەڭگەيگە كوتەرمەسە ءوز شاكىرتتەرىنە ساپالى ءبىلىم بەرە المايتىنى ايدان انىق.
«ۋنيۆەرسيتەتتەگى تاعى ءبىر ماڭىزدى باستاما – دۋالدى وقىتۋ باعدارلاماسى. بۇرىن بىزدە ءبىتىرۋشى كۋرس ستۋدەنتتەرى وقۋ باعدارلاماسىندا كورسەتىلگەندەي, 2 اپتالىق نەمەسە ەكى ايلىق پەداگوگيكالىق تاجىريبەدەن, جاڭا دۋالدى وقىتۋ باعدارلاماسىنا سايكەس ستۋدەنتتەرىمىز جىل بويى مەكتەپپەن تىعىز بايلانىستا بولا وتىرىپ, وقيدى. ياعني اپتانىڭ دۇيسەنبى, سەنبى كۇندەرى ۋنيۆەرسيتەتتە ءدارىس تىڭداسا, سەيسەنبى مەن جۇما ارالىعىندا, ياعني جىل بويى مەكتەپتە بولادى.
قازىرگى كەزىندە ءبىزدىڭ ۋنيۆەرسيتەت تە قاشىقتىقتىقتان وقىتۋعا كوشتى. وسىنداي كەزدە ۋنيۆەرسيتەتىمىزدىڭ پروفەسسور وقىتۋشىلار قۇرامى تىڭباي ەڭبەك ەتۋدە. ستۋدەنتتەرگە قاشىقتان ءبىلىم بەرىپ جانە قاشىقتان ءبىلىم بەرۋ ماشىقتارىن جەتىلدىرىپ, حالىقارالىق, رەسپۋبليكالىق دەڭگەيدە ۇيىمداستىرىلعان ۆەبينارلارعا قاتىسىپ جانە وزدەرى دە جوعارى دەڭگەيدە ۇيىمداستىرۋدا.
جاراتىلىستانۋ جانە گەوگرافيا ينستيتۋتىندا گەوگرافيا عىلىمىنىڭ دوكتورى, پروفەسسور كۇلاش قايمۋلدينوۆا باسشىلىق ەتىپ وتىرعان جاراتىلىستانۋ جانە گەوگرافيا ينستيتۋتىندا بىرنەشە حالىقارالىق, رەسپۋبليكالىق دەڭگەيدە ۆەبينارلار ۇيىمداستىرىلۋدا», دەيدى اباي اتىنداعى قازاق ۇلتتىق پەداگوگيكالىق ۋنيۆەرسيتەتى جاراتىلىستانۋ جانە گەوگرافيا ينستيتۋتى ديرەكتورىنىڭ وقۋ ىستەر جونىندەگى ورىنباسارى, پەداگوگيكا عىلىمدارىنىڭ كانديداتى ءلاززات دەمەۋوۆا.
وسى ورايدا, جاراتىلىستانۋ جانە گەوگرافيا ينستيتۋتى جاڭارتىلعان ءبىلىم مازمۇنى اياسىندا جاراتىلىستانۋ-عىلىمي پاندەرى بويىنشا بولاشاق ماماندىردى دايارلاۋ ماسەلەسى جايلى باسقا جوعارى وقۋ ورىندارىمەن بىرلەسە وتىرىپ, شەشىمىن تاپپاي جۇرگەن ماسەلەلەردى ورتاعا سالىپ, ونلاين رەجيمىندە ۆەبينار وتكىزىلدى.
بۇل ۆەبينارعا ى.التىنسارين اتىنداعى ۇلتتىق ءبىلىم اكادەمياسىنىڭ جەتەكشى عىلىمي قىزمەتكەرى شولپان شۋينشينا «مەكتەپ – جوعارى وقۋ ورىندارى جۇيەسىندە ءبىلىم بەرۋ مازمۇنىنىڭ ساباقتاستىعى» اتتى بايانداما جاساپ, مەكتەپ پەن جوعارى وقۋ ورىندارى اراسىنداعى ءبىلىم بەرۋ مازمۇنىنىڭ جالعاستىعى تۋرالى كەلەلى پىكىرىن ورتاعا سالدى.
نازارباەۆ ۋنيۆەرسيتەتى جوعارى ءبىلىم بەرۋ مەكتەبىنىڭ بىلىكتىلىكتى ارتتىرۋ باعدارلامالار جونىندەگى اعا مەنەدجەر رۋسلان قاراتابانوۆ «قازاقستانداعى جاڭارتىلعان ءبىلىم بەرۋ مازمۇنى» تاقىرىبىندا ءوزىنىڭ گەوگرافيا ءپانىن وقىتۋداعى جاڭارتىلعان ءبىلىم مازمۇنى نەگىزىندە گەوگرافيا پانىنەن ءبىلىم باعدارلامالارىن جاساعانداعى تاجىريبەسىمەن ءبولىستى.
ۋنيۆەرسيتەتتىڭ بىلىكتىلىكتى ارتتىرۋ جانە قاشىقتىقتان وقىتۋ ورتالىعىنىڭ دوتسەنتى, پەداگوگيكا عىلىمىنىڭ كانديداتى امانگۇل وراقوۆا «قازاقستان رەسپۋبليكاسى ورتا ءبىلىم بەرۋ مازمۇنىن جاڭارتۋداعى «پەداگوگيكالىق ديزاين» يدەيالارى اتتى ماقالاسىندا جاڭارتىلعان ءبىلىم بەرۋ مازمۇنىنداعى تىڭ يدەيالارعا توقتالدى.
الماتى قالاسىنداعى №178 ليتسەيدىڭ ديرەكتورى, قر ءبىلىم بەرۋ ءىسىنىڭ ۇزدىگى قايراتبەك شاديەۆ «ورتا ءبىلىم بەرۋ مازمۇنىن جاڭارتۋ جاعدايىندا مۇعالىمدەردىڭ كاسىبي دامۋىنداعى ليتسەي قىزمەتىنىڭ ءرولى» اتتى بايانداماسىندا جاڭارتىلعان ءبىلىم مازمۇنى ليتسەيدە قالاي ءىس جۇزىندە جۇزەگە اسىپ جاتقانىنا توقتالدى.
جاڭارتىلعان ءبىلىم بەرۋ مازمۇنى جاعدايىندا بولاشاق پەداگوگتاردى دايىنداۋ (جاراتىلىستانۋ جانە گەوگرافيا ينستيتۋتى مىسالىندا) اتتى بايانداماسىندا اباي اتىنداعى قازاق ۇلتتىق پەداگوگيكالىق ۋنيۆەرسيتەتى جاراتىلىستانۋ جانە گەوگرافيا ينستيتۋتى ديرەكتورىنىڭ وقۋ ىستەر جونىندەگى ورىنباسارى, پەداگوگيكا عىلىمىنىڭ كانديداتى ءلاززات دەمەۋوۆا ينسيتۋتتاعى جاڭارتىلعان ءبىلىم بەرۋ مازمۇنى جاعدايىندا بولاشاق ۇستازداردى دايارلاۋداعى جەتىستىكتەرى جايلى, سونىمەن بىرگە ينستيتۋتتىڭ تاجىريبەلى وقىتۋشىلارى قالامپىر جۇماعۇلوۆا, ريما ءىزباساروۆا, شولپان كارىباەۆا, نازىم بەكەنوۆا, جازيرا مۇقاتاەۆا, جاننا تلەكوۆا, نۇرلان ماناپوۆ, مۇرات جاقسىباەۆ جانە جاڭارتىلعان وقۋلىق اۆتورلارى كۇلاش قايمۋلدينوۆا, سالتانات ءابىلماجىنوۆالاردىڭ ەڭبەكتەرىنە توقتالدى.
