«ازاماتتارعا ارنالعان ۇكىمەت» مەملەكەتتىك كورپوراتسياسى بۇرىن تەك حالىققا قىزمەت كورسەتۋ ورتالىقتارى ارقىلى كورسەتىپ كەلگەن قىزمەتتەرءدى, ونىڭ ىشىندە جۇكتىلىككە بايلانىستى جاردەماقى بويىنشا وتىنىشتەردى پورتالداعى «ەلەكتروندى وتىنىشتەر» سەرۆيسى ارقىلى قابىلداۋ مۇمكىندىگىن جاساعان.
«دەكرەت دەمالىسىنا شىققان جۇكتى ايەلدەر egov.kz پورتالىندا اۆتوريزاتسيادان ءوتىپ, «ەلەكتروندى وتىنىشتەر»سەرۆيسىن تاڭداپ,جەكە قۇجاتى مەن جۇمىس ىستەۋ قابىلەتىنەن ايىرىلۋ پاراعىنىڭ سكان كوشىرمەسىن جانە تولەم اۋدارىلۋى ءتيىس بانك شوتىن قوسا جولداۋى ءتيىس. ەندى عانا بالالى بولعان وتباسىلار ءۇشىن egov.kz پورتالىنىڭ «وتباسى» – «بالا» بولىمىندە بالانىڭ تۋىلۋىنا جانە ونىڭ كۇتىمىنەبايلانىستى جاردەماقىلاردى راسىمدەۋ مۇمكىندىگى بار» دەيدى «ازاماتتارعا ارنالعان ۇكىمەت» كورپوراتسياسى باتىس قازاقستان وبلىستىق فيليالىنىڭ PR-مەنەدجەرءى ماعزۋرا نۇرمۇحانبەتوۆا.
ايتا كەتەيىك, پورتالدى پايدالانۋ ءۇشىن ەلەكتروندى تسيفرلى قولتاڭبا بولۋى شارت. ونى دا پورتالدا قاشىقتان راسىمدەۋگە بولادى.
سونداي-اق ءموبيلدى ازاماتتار بازاسىندا تىركەۋى بار جاس انالار پرواكتيۆ قىزمەتىن پايدالانا الادى. ول ارقىلى بالانىڭ تۋىن تىركەپ, ءتيىستى جاردەماقىنى راسىمدەپ, ءسابيدى بالاباقشا كەزەگىنە قويۋعا بولادى.
