تمد-عا قاتىسۋشى مەملەكەتتەر قورعانىس مينيسترلەرى كەڭەسى بەكىتكەن بىرلەسكەن ءىس-شارالار جوسپارىنا سايكەس اۋە شابۋىلىنا قارسى قورعانىس اسكەرلەرىنىڭ بىرىككەن جۇيەسى شەڭبەرىندە بۇگىن سارىشاعان پوليگونىندا «جاۋىنگەرلىك دوستاستىق – 2013» وقۋ-جاتتىعۋىنىڭ شەشۋشى كەزەڭى وتكىزىلدى.
تمد-عا قاتىسۋشى مەملەكەتتەر قورعانىس مينيسترلەرى كەڭەسى بەكىتكەن بىرلەسكەن ءىس-شارالار جوسپارىنا سايكەس اۋە شابۋىلىنا قارسى قورعانىس اسكەرلەرىنىڭ بىرىككەن جۇيەسى شەڭبەرىندە بۇگىن سارىشاعان پوليگونىندا «جاۋىنگەرلىك دوستاستىق – 2013» وقۋ-جاتتىعۋىنىڭ شەشۋشى كەزەڭى وتكىزىلدى.
بىرىككەن جاتتىعۋلارعا بارلىعى 1500 ادامنان تۇراتىن جەكە قۇرام, 28 اۆياتسيالىق تەحنيكا, 9 زەنيتتى-زىمىران كەشەنى, سونىمەن قاتار بايلانىس جانە راديوتەحنيكالىق قامتاماسىز ەتۋ قۇرالدارى تارتىلدى.
وقۋ-جاتتىعۋ تمد-عا قاتىسۋشى مەملەكەتتەردىڭ اۋە شابۋىلىنا قارسى قورعانىس اسكەرلەرى مەن اۆياتسيالىق كواليتسيالىق توپتارىن بىرلەسە دايارلاۋ جانە ولاردى قولدانۋ, قارۋلى شيەلەنىس پەن تەررورعا قارسى ارەكەت ەتۋ كەزىندە اۋە شابۋىلىنا قارسى قورعانىس اسكەرلەرىنىڭ جاۋىنگەرلىك رەتتىلىگىن ارتتىرۋ ماقساتىندا وتكىزىلىپ وتىر. جاتتىعۋ بارىسىندا جاۋىنگەرلىك ەسەپتوپتاردىڭ ءتاجىريبەلىك داعدىلارى مەن كاسىبي شەبەرلىكتەرى ارتتى.
– بۇگىنگى وقۋ-جاتتىعۋدا اۋە قورعانىسى كۇشتەرىنىڭ جەكە قۇرامى جاۋىنگەرلىك تاپسىرمانى تولىعىمەن ورىندادى, زەنيتتى-زىمىران كەشەنىنەن اتۋ جوعارى ساپامەن جۇرگىزىلدى, – دەپ اتاپ ءوتتى قورعانىس ءمينيسترى ادىلبەك جاقسىبەكوۆ.
قىركۇيەك ايىنىڭ ەكىنشى جارتىسىندا «ءوزارا ءىس-قيمىل-2013» بىرلەسكەن وقۋ-جاتتىعۋىن وتكىزۋ جوسپارلانىپ وتىرعانىن ايتا كەتۋ كەرەك. وعان اۋە قورعانىسى كۇشتەرى مەن قۇرلىق اسكەرلەرىنىڭ جەكە قۇرامى قاتىساتىن بولادى.
«ەگەمەن-اقپارات».
