وڭىردە دارىگەرلەرگە ۇستەمە تاعايىنداۋ بويىنشا ارنايى كوميسسيا دا قۇرىلعان. ولار كوروناۆيرۋس ىندەتىن جۇقتىرۋ قاۋپى جوعارى مامانداردىڭ قوسىمشا ءتىزىمىن ۇستەماقىعا ۇسىنا الادى. مەديتسينا قىزمەتكەرلەرىنە ءۇستەماقى تەك قانا اتقارىلعان جۇمىس ساعاتىنا قاراي ەسەپتەلەدى.
ناۋرىز ايىندا وڭىردەگى 12 دەنساۋلىق ساقتاۋ ۇيىمىندا قىزمەت ەتەتىن 529 مەديتسينالىق قىزمەتكەرگە ۇستەماقى تولەنءدى. قازىرگى ۋاقىتتا جەدەل جاردەم قىزمەتىندەگى ماماندارعا ۇستەماقى تولەۋ ماسەلەسى قاراستىرىلۋ ۇستىندە. مەديتسينالىق ماماندارعا تولەنەتىن ۇستەماقى قازاقستان رەسپۋبليكاسىنىڭ دەنساۋلىق ساقتاۋ مءينيسترىنىڭ بۇيرىعىنا سايكەس جۇزەگە اسىرىلادى. بۇل جۇمىس كەستەسى مەن حاتتامالارعا سايكەس تاعايىندالادى.
–1 ساناتتاعى تاۋەكەل توبىندا 44 مەديتسينا مامانىبار. ولار نەگىزىنەن ينفەكتسيالىق بولىمشەدە ىستەيتىن قىزمەتكەرلەر. تولەنەتىن ءۇستەماقىنىڭ شەكتى مولشەرى 527 مىڭ 971 تەڭگەنى قۇرايدى. بۇل 80 ساعات جۇمىس كولەمىنە تيەسىلى. اقمولا وبلىستىق تۋبەركۋلەزگە قارسى كۇرەس ديسپانسەرى ينفەكتسيالىق بولىمشە قىزمەتىندەگىلەرگە ەڭ تومەنگى تولەم كورسەتكىشى 46 مىڭ 698 تەڭگە تيەسىلى. ال, 2-ءشى ساناتتاعى تاۋەكەل توبىندا 237 مەديتسينا قىزمەتكەرى بار. ولارعا تولەنەتىن شەكتى تولەم 344 مىڭ 250 تەڭگە. ەڭ تومەنگى كورسەتكىش رەتىندە 8 مىڭ 800 تەڭگە ۇستەماقى تولەندى. 3 جۇمىس ساعاتى ءۇشىن. ءۇشىنشى تاۋەكەل توبىنداعىلارعا 141 مىڭ 667 تەڭگە ۇستەماقى تولەنەءدى. ەڭ تومەنگى ۇستەماقى 1 ساعاتتىق جۇمىس كولەمىنە 1 مىڭ 476 تەڭگە,–دەيدى وبلىستىق دەنساۋلىق ساقتاۋ باسقارماسى جەتەكشىسىنىڭ مىندەتىن اتقارۋشى سۇلەن ءىلياسوۆ.
ەل دەنساۋلىعى ءۇشىن قاۋىپ-قاتەرگە باسىن تىگىپ, قاجىرلى ەڭبەك ەتىپ جاتقان دارىگەرلەردىڭ ەڭبەگىنە ساي ۇستەماقى الۋى ابدەن قۇپتارلىق جاي.
