كەندى التايدا ءدال قازىر 400-گە جۋىق جوعارى بىلىكتى دارىگەر جەتىسپەيدى. نە ىستەۋ كەرەك؟ «قالاۋىن تاپسا, قار جانادى» دەگەن راس ەكەن, ءوڭىر باسشىسى ب.ساپارباەۆتىڭ ۇيىتقى بولۋىمەن بۇل ءتۇيىن شەشىلدى.
كەندى التايدا ءدال قازىر 400-گە جۋىق جوعارى بىلىكتى دارىگەر جەتىسپەيدى. نە ىستەۋ كەرەك؟ «قالاۋىن تاپسا, قار جانادى» دەگەن راس ەكەن, ءوڭىر باسشىسى ب.ساپارباەۆتىڭ ۇيىتقى بولۋىمەن بۇل ءتۇيىن شەشىلدى.
تاياۋدا سەمەي مەديتسينا ۋنيۆەرسيتەتىنىڭ فيليالى ءوسكەمەندە اشىلدى. ول وقۋ ورنىنىڭ ابىرويى بۇكىل ەلگە تانىس. مۇندا وتىزدان استام عىلىم دوكتورلارى, جۇزدەگەن عىلىم كانديداتتارى شاكىرتتەرگە ءدارىس بەرەدى. ءبىلىم ورداسىنىڭ سالتاناتتى اشىلۋىندا:
– ەكولوگياسى اسا كۇردەلى ايماقتا مەديتسينا ۋنيۆەرسيتەتى فيليالىنىڭ اشىلۋى ماڭىزدى وقيعا. دەنساۋلىعى مىقتى ەلدىڭ ىرگەتاسى دا بەرىك بولماق. ءبىز وقۋ ورنىنا جاعداي جاسايمىز, تۇلەكتەرگە كومەكتەسەمىز, – دەدى ءوڭىر باسشىسى.
سەمەي مەديتسينا ۋنيۆەرسيتەتىنىڭ رەكتورى ءتولەباي راحىپبەكوۆ فيليال جۇمىسىنا 90 ميلليون تەڭگە قارجى سالىنعانىن, وڭىرگە قاجەت 400 بىلىكتى دارىگەردى 3-4 جىلدا ءازىرلەۋگە كۇش سالاتىندارىن تىلگە تيەك ەتتى.
بۇل فيليالعا بيىل 83 ستۋدەنت قابىلداندى. كەلەسى جىلدان باستاپ ستۋدەنتتەر سانى 200-گە جەتەدى ەكەن. ولار بولاشاقتا حيرۋرگ, پەدياتر, گينەكولوگ, تەراپەۆت, اكۋشەرلىك ماماندىقتارىن الىپ شىقپاق. ستۋدەنتتەرگە 4 عىلىم دوكتورى, 31 عىلىم كانديداتى ءجانە جەرگىلىكتى جەردەگى بىلىكتى ءدارىگەرلەر ءدارىس بەرمەك.
وڭداسىن ەلۋباي,
«ەگەمەن قازاقستان».
وسكەمەن.
