استانادا كارديوحيرۋرگتەردىڭ II ۇلتتىق كونگرەسى بولدى. وعان اقش, ەۋروپا, رەسەي, ورتالىق ازيا مەملەكەتتەرىنەن الەمگە ايگىلى عالىمدار جينالىپ, مەديتسينا عىلىمىنىڭ دامۋى, حالىقارالىق بايلانىستاردى جەتىلدىرۋ تۇرعىسىندا وي ءبولىستى.
استانادا كارديوحيرۋرگتەردىڭ II ۇلتتىق كونگرەسى بولدى. وعان اقش, ەۋروپا, رەسەي, ورتالىق ازيا مەملەكەتتەرىنەن الەمگە ايگىلى عالىمدار جينالىپ, مەديتسينا عىلىمىنىڭ دامۋى, حالىقارالىق بايلانىستاردى جەتىلدىرۋ تۇرعىسىندا وي ءبولىستى.
كونگرەستىڭ اشىلۋ راسىمىندە ءسوز العان دەنساۋلىق ساقتاۋ ءمينيسترى س.قايىربەكوۆا قازاقستاندا حالىققا كارديوحيرۋرگيالىق كومەك كورسەتۋگە ايرىقشا كوڭىل ءبولىنىپ وتىرعانىن تىلگە تيەك ەتتى. بۇگىنگى تاڭدا 5 رەسپۋبليكالىق, 11 ءوڭىرلىك كارديوحيرۋرگيالىق ورتالىق, كوپبەيىندى اۋرۋحانالاردا 11 بولىمشە حالىققا قىزمەت كورسەتۋدە. 26 ينسۋلت ورتالىعى اشىلىپ, بيىلعى جىلى تاعى 22 وسىنداي ورتالىقتى ىسكە قوسۋ جوسپارلانىپ وتىر.
جۇرەككە اشىق وپەراتسيا جاساۋ قازاقستاندا وسىدان 5 جىل بۇرىن عانا قولعا الىنسا, وتكەن جىلى وتاندىق دارىگەرلەر 20 مىڭنان استام كۇردەلى وتا جاسادى. ال بيىل ولاردىڭ سانى 28 مىڭنان استى.
كەشەندى ءىس-شارالاردى ىسكە اسىرۋ ناتيجەسىندە سوڭعى 2 جىل ىشىندە قان اينالىمى جۇيەسى اۋرۋلارىنان بولاتىن ءولىم-ءجىتىمدى 20 پايىزعا ازايتۋعا قول جەتكىزىلدى. قازىرگى تاڭدا قازاقستان جۇرەككە اشىق بىرەگەي وپەراتسيالار جاسايتىن 22 وزىق ەلدىڭ قاتارىنا كىرىپ وتىر. كارديوحيرۋرگيالىق جانە كارديوحيرۋرگيالىق قىزمەتتى دامىتۋداعى قازاقستاننىڭ ءتاجىريبەسى بۇگىنگى تاڭدا وزگە ەلدەردىڭ قىزىعۋشىلىعىن تۋدىرۋدا.
ايجۇلدىز ەربولاتقىزى,
ل.ن.گۋميلەۆ اتىنداعى ەۇۋ ستۋدەنتى.
