الماتى قالاسىندا نانوتەحنولوگيانى قولدانۋ ارقىلى اۆتوكولىكتەردى تازارتۋدىڭ جاڭا ورتالىعى اشىلدى. «HANIN Industry Development» جشس مۇنداي زاماناۋي جۇيەنى تۇڭعىش بولىپ وتاندىق قىزمەت كورسەتۋ ىسىنە ەنگىزىپ وتىر.
الماتى قالاسىندا نانوتەحنولوگيانى قولدانۋ ارقىلى اۆتوكولىكتەردى تازارتۋدىڭ جاڭا ورتالىعى اشىلدى. «HANIN Industry Development» جشس مۇنداي زاماناۋي جۇيەنى تۇڭعىش بولىپ وتاندىق قىزمەت كورسەتۋ ىسىنە ەنگىزىپ وتىر.
بۇل ورتالىقتىڭ ەرەكشەلىگى كولىكتەردىڭ ءاربىر تەتىگىن تازارتۋمەن قاتار, ماشينانىڭ ءىشى-سىرتىنداعى اقاۋلار مەن سىرىلعان-جىرىلعان جەرلەردى قايتا قالپىنا كەلتىرىپ, ەسكى كولىكتى جاڭارتىپ شىعارۋىندا بولىپ وتىر. ارنايى نانوكەراميكالىق قوسىندىمەن تازارتۋ ناتيجەسىندە كەز كەلگەن جەڭىل كولىكتىڭ پايدالانۋ مەرزىمى 40 پايىزعا ارتىپ, ساتۋعا قويىلاتىن ماشينالار 10-30 پايىزعا باعاسى كوتەرىلىپ شىعا كەلەدى. سونداي-اق, نانوكەراميكامەن تازارتىلعان تەمىر ۇزاق ۋاقىتقا دەيىن توت باسپاي, تابيعاتتىڭ قانداي دا بولماسىن ىستىق-سۋىعىنا ءتوزىمدى كەلەدى ەكەن.
وڭتۇستىك كورەيا عالىمدارى ويلاپ تاپقان «سAR SYSTEM» نانوكەراميكالىق قوسىندىسى اۆتوكولىكتەردىڭ تازالىعىنان وزگە, كۇن مەن سۋدىڭ اسەرىنەن جانە باسقا دا تابيعي سەبەپتىڭ ىقپالىنان ماشينانىڭ ءتۇسى ءوڭىپ كەتۋىنەن ساقتايدى. قوزعالىس كەزىندە كولىكتەردى مايدا تاستار مەن قيىرشىق قۇمنان, سونداي-اق ىسقىلاپ جۋعاننان تۇسەتىن جەڭىل-جەلپى سىزاتتاردان 36 اي بويىنا ساقتايتىن دا قاسيەتى بار دەپ وتىر ماماندار.
كەلەشەكتە اتالمىش كومپانيا وكىلدەرى جەرگىلىكتى اكىمشىلىكتەرمەن كەلىسە وتىرىپ, ەلىمىزدىڭ ءار تۇكپىرىنەن وسىنداي قىزمەت كورسەتۋ ورتالىقتارىن اشۋدى جوسپارلاۋدا.
قانات ەسكەندىر,
«ەگەمەن قازاقستان».
الماتى.
