كەشە قوستاناي وبلىستىق قىلمىستىق ىستەر جونىندەگى ارنايى سوتى ايماق اۋماعىندا ەسىرتكى ساتۋمەن اينالىسقان 16 تۇلعانىڭ ۇستىنەن قوزعالعان قىلمىستىق ءىستى قاراۋدى باستادى.
كەشە قوستاناي وبلىستىق قىلمىستىق ىستەر جونىندەگى ارنايى سوتى ايماق اۋماعىندا ەسىرتكى ساتۋمەن اينالىسقان 16 تۇلعانىڭ ۇستىنەن قوزعالعان قىلمىستىق ءىستى قاراۋدى باستادى.
پروتسەستى جۇرگىزگەن وبلىستىق سوتتىڭ توراعاسى اسىلبەك جۇماعۇلوۆقا سوتتالۋشىلار مەن ولاردىڭ قوعامدىق قورعاۋشىلارىنىڭ انكەتالىق مالىمەتتەرىن وقىپ شىعۋ ءۇشىن جارتى ساعات ۋاقىت كەرەك بولدى. قورعاۋشىلار اراسىندا تەمىر تورعا قامالعانداردىڭ ايەلدەرى, سونداي-اق انالارى, اپكە-قارىنداستارى مەن اعا-ىنىلەرى دە بار بولىپ شىقتى.
پروتسەسس ەكى مەملەكەتتىك ايىپتاۋشىنىڭ 112 بەتتەن تۇراتىن ايىپتاۋ قورىتىندىسىن وقۋلارىنان باستالدى. وندا بۇل ۇيىمداسقان قىلمىستىق توپتا كىمنىڭ قانداي قىزمەت اتقارعانى, قاي كەزدە قانداي شارۋالاردى ورىنداعانى كەڭىنەن باياندالدى. وسىعان سايكەس ەسىرتكى زاتتارىن كىمنىڭ قاي كەزدە قالتالاعانى, سوسىن وعان ءزارۋ ازاماتتارعا قالاي ساتقاندارى ايان بولدى.
ەسىرتكى ساۋداسىنا قاتىستى بۇل وقيعالار توبىلدىڭ جەرىندە 2011-2012 جىلدارى ورىستەگەن كورىنەدى. ۇيىمداسقان قىلمىستىق توپتىڭ زاڭعا قايشى ارەكەتتەرى ۇلتتىق قاۋىپسىزدىك كوميتەتىنە كوپ ۇزاماي بەلگىلى بولعان. بىراق ولاردى قىلمىس ءۇستىندە ۇستاۋعا ءبىراز ۋاقىت كەتكەن. اقىرىندا توپ قۇرامىنداعى رەزەدا اسىلباەۆانى ءبىرىنشى ەتىپ قولعا ءتۇسىرۋدىڭ ورايى كەلدى. مۇنىڭ سوڭىنان باسقالاردى ۇستاۋعا قول جەتتى.
مۇرات ايتقوجا.
