«شتاتتىق رەجيمدە جۇمىس ىستەپ جاتقان 433 مەكتەپ بار. 25 مىڭنان استام وقۋشىلار كۇندەلىكتى شتاتتىق كەستەدە وقىپ جاتىر. سونداي-اق پوشتا بايلانىسى ارقىلى وقيتىن وقۋشىلاردىڭ سانى 4000-عا جۋىق. ينتەرنەت جەلىسى تومەن مەكتەپتەردە وسىنداي جۇيە ۇيىمداستىرىلعان. ولار قالىپتى جاعدايدا جۇمىس اتقارۋدا», دەدى شولپان كارينوۆا.
ونىڭ ايتۋىنشا, جەرگىلىكتى اتقارۋشى ورگاندار مەن اكىمدىكتەر وقۋشىلاردى كومپيۋتەرمەن جانە ينتەرنەتپەن قامتاماسىز ەتۋ بويىنشا جۇمىس ىستەۋدە.
«ازىرگە مۇعالىمدەر مەن وقۋشىلارعا مەكتەپتەردەگى 250 كومپيۋتەرلەر تاراتىلدى. وسى جۇمىس ءارى قاراي دا جالعاسىپ جاتىر. سونداي-اق تاعى دا 11 مىڭنان اسا كومپيۋتەرلەر قوسىمشا ساتىلىپ الىنىپ, مۇعالىمدەر مەن وقۋشىلارعا جەتكىزىلدى», دەدى ۆيتسە-مينيستر.
