كەشە قازاقستان پرەزيدەنتى جانىنداعى ورتالىق كوممۋنيكاتسيالار قىزمەتىندە استانا تورىندە ءوتىپ جاتقان دامۋشى نارىقتاردىڭ ەۋرازيالىق فورۋمى اياسىندا «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» جولداۋىنىڭ جۇزەگە اسىرىلۋ بارىسى جايىندا اقپارات تاراتاتىن جاڭا ۆەب-پورتالدىڭ تانىستىرىلىمى ءوتتى.
كەشە قازاقستان پرەزيدەنتى جانىنداعى ورتالىق كوممۋنيكاتسيالار قىزمەتىندە استانا تورىندە ءوتىپ جاتقان دامۋشى نارىقتاردىڭ ەۋرازيالىق فورۋمى اياسىندا «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» جولداۋىنىڭ جۇزەگە اسىرىلۋ بارىسى جايىندا اقپارات تاراتاتىن جاڭا ۆەب-پورتالدىڭ تانىستىرىلىمى ءوتتى.
جيىندى اشقان قازاقستان پرەزيدەنتى جانىنداعى ورتالىق كوممۋنيكاتسيالار قىزمەتىنىڭ رەسمي وكىلى التاي ابيبۋللاەۆ اتالعان اقپاراتتىق پورتال «قازاقستاننىڭ 2050 جىلعا دەيىنگى دامۋ ستراتەگياسىن» حالىققا جانە بۇكىلالەمدىك قاۋىمداستىققا ءتۇسىندىرۋ ماقساتىندا اشىلىپ وتىرعانىن ايتا كەلە, ونى ەلىمىزدىڭ مادەنيەت جانە اقپارات مينيسترلىگىنە قاراستى «قازكونتەنت» اق مەكەمەسى دايىنداعانىن اتاپ ءوتتى.
بۇل رەتتە, «قازكونتەنت» اق باسقارما توراعاسىنىڭ ورىنباسارى زارينا باقتيەۆا دا ءسوز الىپ, «ستراتەگيا-2050» ۆەب-پورتالىنىڭ ماقسات-مىندەتى ءتوڭىرەگىندە بايانداپ بەردى. «بۇل ۆەب-پورتال – «قازاقستان-2050» ستراتەگياسىنىڭ جۇزەگە اسىرىلۋ بارىسى تۋرالى جەدەل ءمالىمەتتەر مەن ەكسكليۋزيۆتى تالداۋلار مەن ساراپتاۋلار شوعىرى جيناقتالاتىن اقپارات الاڭىنا اينالاتىن بولادى. مۇندا كۇن سايىن 40-تان استام اقپاراتتىق جانە تالداۋ ماتەريالدارى, بەينە, فوتوماتەريالدار ءۇش تىلدە جارىق كورىپ وتىرادى», – دەدى زارينا باقتيەۆا ءوز سوزىندە.
ونىڭ ايتۋىنا قاراعاندا, جاڭا اقپاراتتىق ينتەراكتيۆتى پورتالدى ازىرلەگەندە پايدالانۋشىلارعا تيىمدىلىك جاعى جان-جاقتى ەسكەرىلگەن جانە ولارعا ىڭعايلى بولۋ ءۇشىن قازىرگى زامانعى ءادىس-تاسىلدەر تولىقتاي قامتىلعان. پورتالدىڭ كورۋ قابىلەتى ناشار جاندارعا ارنالعان ارنايى نۇسقاسى دا بار كورىنەدى. «بۇل پورتال تانىمال الەۋمەتتىك جەلىلەرمەن كىرىكتىرىلگەن. ياعني, سىزدەر جاڭالىقتاردىڭ قىسقا ءتۇردەگى اڭداتپاسىن كورۋگە مۇمكىندىك الاسىزدار», – دەدى ز.باقتيەۆا.
«قازكونتەنت» اق باسقارما توراعاسىنىڭ ورىنباسارى, سونداي-اق, «ستراتەگيا-2050» پورتالىندا 2050 جىلعا دەيىنگى جوبالار تىزبەگى تۋرالى بارلىق اقپارات قامتىلاتىنىن, پورتالدا ينتەراكتيۆتى كارتا ورنالاسقانىن, بۇل جەردە قازاقستاننىڭ جالپى كارتاسى جاسالعانىن اتاپ ءوتتى. «مۇندا ەلىمىز وبلىستارىنىڭ قانداي سالالارىندا قانشا جوبا جۇزەگە اسىرىلىپ جاتقانى تۋرالى تولىق مالىمەت الۋعا جانە كورۋگە بولادى. بۇعان قوسا, جوبالاردىڭ 2050 جىلعا دەيىنگى ىسكە اسىرىلۋ بارىسىنا دا كوز جەتكىزە الاسىزدار. تۇيىندەپ ايتساق, پورتال ونى پايدالانۋشىلارعا زور ينتەراكتيۆتى مۇمكىندىكتەر ۇسىنادى. بۇل جاڭالىقتار تاسپاسى جانە ونلاين-ترانسلياتسيا», دەدى ز. باقتيەۆا.
پارلامەنت سەناتىنىڭ دەپۋتاتى سەرىك نوگەربەكوۆ ءبۇگىندە قوعام الدىندا «قازاقستان-2050» ستراتەگياسىن جۇزەگە اسىرۋ, الەمنىڭ دامىعان 30 ەلىنىڭ قاتارىنا كىرۋ اۋقىمدى مىندەتى تۇرعانىن ايتا كەلە, G-Global حاتشىلىعى اتىنان «ستراتەگيا-2050» پورتالى G-Global كوممۋنيكاتيۆتى الاڭىنىڭ زور قولداۋىنا يە بولاتىنىنا سەنىم ءبىلدىردى. «G-Global بۇگىندە الەمدەگى ءىرى كوممۋنيكاتيۆتى الاڭداردىڭ ءبىرى بولىپ وتىر. ال «ستراتەگيا-2050» پورتالى G-Global كوممۋنيكاتيۆتى الاڭىنىڭ زور قولداۋىنا يە بولادى دەپ سانايمىن», دەدى ول بۇل تۋراسىندا.
مادەنيەت جانە اقپارات ۆيتسە-ءمينيسترى ارمان قىرىقباەۆ بۇل ەلباسى قويعان ماقسات-مىندەتتەردى جۇزەگە اسىرۋ اياسىندا جاسالعان ۇلكەن جۇمىستىڭ جەمىسى ەكەنىن, بۇل رەتتە, كوپفۋنكتسيالى, ينتەراكتيۆتى ۆەب-پورتالدىڭ ءوز ارتىقشىلىعى بارىن اتاپ ءوتتى. «30 جىل دەگەن دەمدە وتە شىعاتىن ۋاقىت. سوندىقتان, مەملەكەت باسشىسىنىڭ ەل الدىنا قويعان تالاپتارىن ورىنداۋ ءۇشىن, ورتاق ماقساتتارعا قول جەتكىزۋ ءۇشىن ايانباي قىزمەت ەتۋ كەرەك. ال ول قىزمەتتىڭ قالاي جاسالىپ جاتقاندىعى حالىقتىڭ نازارىندا بولۋى ءتيىس. «ستراتەگيا-2050» ۆەب-پورتالى, مىنە, وسى ماقساتتا جاسالعان اۋقىمدى باستاما. بۇل پورتالدىڭ ەرەكشەلىگى – ول تەك ورتالىق مەملەكەتتىك ورگاندار دەڭگەيىندە اتقارىلىپ جاتقان ءىس-شارالاردى عانا ەمەس, ايماقتاردا جۇزەگە اسىرىلىپ جاتقان جۇمىستاردى دا ناسيحاتتاپ وتىرادى», دەدى ا.قىرىقباەۆ.
ونلاين-رەجىمى ارقىلى بايلانىسقا شىققان پاۆلودار وبلىسى اكىمىنىڭ ورىنباسارى ارىن ورساريەۆ: «مەن سايتپەن, ونىڭ الدىنا قويىلعان ماقسات-مىندەتتەرمەن تانىسىپ شىقتىم. ينتەرفەيسى, ءساتتى تاڭدالىپ الىنعان سۋرەتتەرى – ءبارى دە سۇزگىدەن ءوتىپ, الدىن الا ويلاستىرىلىپ جاسالعانى كورىنىپ تۇر. تالدامالى, ساراپتامالى ماتەريالدار دا كەزدەسەدى ەكەن.
