الايدا, جامبىل وبلىسى اكىمىنىڭ ءبىرىنشى ورىنباسارى بەكبولات ورىنبەكوۆ بۇگىننەن, ياڭني 17 ساۋىردەن باستاپ كارانتين رەجيمى كۇشەيتىلە تۇسەتىنىن حابارلادى.
«ويتكەنى, ەلىمىزدىڭ ەڭ ءبىرىنشى بايلىعى – ادام, ونىڭ دەنساۋلىعى دەسەك, قازىرگى جاعدايدا ءبىز ازاماتتارىمىزدى امان-ەسەن ساقتاپ قالۋ ءۇشىن قاتاڭ شارالارعا بارۋىمىزعا تۋرا كەلىپ تۇر. بۇل شارالاردىڭ بارلىعى, اينالىپ كەلگەندە تۇرعىندار يگىلىگى ءۇشىن جاسالىپ جاتقان ءىس ەكەنىن جەتە تۇسىنسەڭىزدەر دەيمىز», دەدى ول.
بۇگىننەن باستاپ تاراز قالاسىنىڭ ىشىندەگى قوعامدىق كولىكتەر تولىقتاي توقتاتىلدى. كارانتينگە دەيىن قالا ىشىندە 43 باعىت بويىنشا 442 اۆتوبۋس ءجۇرىپ تۇرعان بولسا, كارانتين ەنگىزىلگەن سوڭ ونىڭ سانى ايتارلىقتاي قىسقارتىلعان. الايدا, بەكبولات ورىنبەكوۆ قالا ىشىندە ءجۇرىپ-تۇراتىن ازاماتتاردىڭ ءالى دە ازايماي تۇرعانىن ايتتى. سونىمەن قاتار, جەڭىل اۆتوكولىكتەردىڭ دە جۇرۋىنە تىيىم سالىنىپ وتىر. كۇنى بۇگىنگە دەيىن ءتۇرلى انىقتامالارمەن ءجۇرىپ كەلگەن اۆتوكولىكتەرگە بۇگىننەن باستاپ شەكتەۋ قويىلدى.
ال «سەرگەك» بازاسىنا ەنگىزىلگەن, ياعني بلوك-بەكەتتەردەگى تەكسەرۋ الاڭدارىنداعى ارنايى پلانشەتتەرگە ەنگىزىلگەن 14 مىڭنان اسا ازاماتتىڭ ءتىزىمى دە قايتا تازارتىلادى.
جامبىل وبلىسى
