مەملەكەت باسشىسى قاسىم-جومارت توقاەۆتىڭ تاپسىرماسىنا سايكەس اۋىل شارۋاشىلىعىن قارجىلاي قولداۋ قورى («قازاگرو» حولدينگىنىڭ ەنشىلەس كومپانياسى) توتەنشە جاعداي كەزىندە بيزنەس يەلەرىنىڭ نەسيە جۇكتەمەسىن جەڭىلدەتۋ باعىتىندا بىرقاتار شارالاردى جۇزەگە اسىرۋدا.
2020 جىلعى 16 ناۋرىزدان 15 ماۋسىمعا دەيىنگى كەزەڭدە تولەمدەردى كەيىنگە قالدىرۋ ءۇشىن قارىز الۋشىسى قورعا قارجىلىق جاعدايدىڭ ناشارلاعانىن راستايتىن قۇجاتتارمەن قوسا ءوتىنىش جازۋى كەرەك. ءوتىنىشتى شارۋالار ەلەكتروندىق پوشتا نەمەسە مەسسەندجەر ارقىلى جىبەرە الادى. 7 جۇمىس كۇنى ىشىندە قور ءوتىنىمدى قاراپ, جاۋاپ بەرەدى.
تولەمدى ۋاقىتشا توقتاتا تۇرۋ كليەنتتىڭ نەسيە تاريحىنا كەرى اسەر ەتپەيدى.
بۇگىندە قور فيليالدارىنا قارجىلىق جاعدايلارىنىڭ ناشارلاۋىنا بايلانىستى مىڭنان اسا ءوتىنىش كەلىپ ءتۇستى. ونىڭ ىشىندەگى جالپى سوماسى 240 ميلليون تەڭگە بولاتىن 582 ءوتىنىش ماقۇلداندى. قالعان وتىنىشتەر قارالۋدا.
ايتا كەتۋ كەرەك, اۋىل شارۋاشىلىعىن قارجىلاي قولداۋ قورى «ەڭبەك» ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋ باعدارلاماسى اياسىندا نەسيەلەۋ جۇمىستارىن جالعاستىرادى. اۋىل شارۋاشىلىعى جانە اۋىل شارۋاشىلىعىنا جاتپايتىن بيزنەس باعىتتارى قارجىلاندىرىلادى. اتاپ ايتقاندا, مال شارۋاشىلىعى مەن وسىمدىك شارۋاشىلىعىنا, اۋىل شارۋاشىلىعى ونىمدەرىن قايتا وڭدەۋ مەن ساقتاۋعا جانە كاسىپكەرلىكتىڭ باسقا دا تۇرلەرىنە نەسيە بەرىلەدى.
نەسيەنىڭ جىلدىق مولشەرى – 6 پايىز, ءتيىمدى سىياقى مولشەرى 6,7 پايىزدان اسپايدى. نەسيە مەرزىمى – 6,5 جىلعا دەيىن. 2 جىلعا دەيىن جەڭىلدىك مەرزىمى بار, ودان كەيىن نەگىزگى قارىز قايتارىلادى.
قور كاسىپكەرلەرگە ىڭعايلى كەپىلدىك ساياساتىن ۇسىنادى. ياعني, نەسيە الۋشى اۋىلدىق جەرلەردەگى جىلجيتىن جانە جىلجىمايتىن م ۇلىگىن كەپىلدىككە قويا الادى.
