كوكشەتاۋدان قوستانايعا شىعاتىن اينالما جولدىڭ بويىندا كولىك ينسپەكتسياسىنىڭ قىزمەتكەرلەرى بيداي ارتقان «كاماز» اۆتوكولىگىن توقتاتقان. جۇك كولىگى رەسەيدە تىركەلگەن ەكەن. قۇجاتتارىن تەكسەرگەندە جۇرگىزۋشى كولىكتىڭ عانا قۇجاتىن ۇسىنعان. ال, جۇك قۇجاتىن كورسەتۋدەن باس تارتقان. توتەنشە جاعداي كەزىندە استىقتى سىرتقا شىعارۋعا تىيىم سالىنعان.
ينسپەكتسيا قىزمەتكەرلەرىمەن جاعالاسقان كولىك جۇرگىزۋشىسى ەسەبىن تاۋىپ سىتىلىپ ۇلگەرىپتى. كەيىن بەلگىسىز بىرەۋلەر قايتا-قايتا كەلىپ قوقان-لوقى جاساعان. كەشە ءتۇس شاماسىندا مەملەكەتتىك نومەرى جوق ءۇش جەڭىل كولىككە مىنگەن بەس-التى ادام ينسپەكتسيا قىزمەتكەرلەرىنە شابۋىل جاساپ, اۆتوكولىكتەرىنىڭ دوڭعالاقتارىن تەسىپ, «كاماز»-دىڭ قۇجاتتارىن تارتىپ الىپ كەتكەن.
ازىرگە جۇك كولىگى تابىلدى. قازىر ينسپەكتسيا قىزمەتكەرلەرىنە شابۋىل جاساعاندار ىزدەستىرىلۋدە.
اقمولا وبلىسى
