جاڭا عانا باستالعان كۇز ايىنىڭ العاشقى كۇنىندە ءبىر شاڭىراقتىڭ استىنداعى اباي جانە دوستوەۆسكي اتىنداعى دراما تەاترلارى جاڭا ماۋسىمىنىڭ اشىلۋى «تەاتر شاتىردا جانە ساحنادا» دەگەن تاقىرىپپەن ەرەكشە جاعدايدا اتاپ ءوتىلدى.
جاڭا عانا باستالعان كۇز ايىنىڭ العاشقى كۇنىندە ءبىر شاڭىراقتىڭ استىنداعى اباي جانە دوستوەۆسكي اتىنداعى دراما تەاترلارى جاڭا ماۋسىمىنىڭ اشىلۋى «تەاتر شاتىردا جانە ساحنادا» دەگەن تاقىرىپپەن ەرەكشە جاعدايدا اتاپ ءوتىلدى.
ال ونىڭ ءمانىسى مىنادا ەدى. ياعني, قوس تەاتر ۇجىمى ءوز كورەرمەندەرىمەن الدىمەن اشىق اسپان استىندا, سودان كەيىن ساحنادا جۇزدەستى. ايتالىق, ونەر جۇلدىزدارىنىڭ اشىق اسپان استىندا اباي مەن شاكارىم اراسىنداعى تۋىستىقتان دا بولەك رۋحاني جاقىندىقتى بەينەلەيتىن كورىنىسى كورەرمەندى ەرەكشە اسەرگە بولەدى.
بۇدان كەيىن تەاتر جاناشىرلارى زالعا شاقىرىلدى. مۇندا تەاتردىڭ اشىلۋ سالتاناتى قوس تەاتردىڭ الما-كەزەك ونەرىنە جالعاستى. ونەر ورداسىنىڭ باسشىلارى كورەرمەندەرگە جاڭا ماۋسىمنىڭ جاڭالىقتارىن جەتكىزدى. سونىمەن بىرگە, كورەرمەندەر تەاتردىڭ ىشكى ءومىرىمەن دە جەتە تانىستى.
حاكىم اقىن اتىنداعى تەاتر ۇجىمى ءۇشىن بيىلعى ماۋسىمنىڭ ءجونى تىپتەن دە بولەك ەكەندىگى دە ايتىلماي قالمادى. ياعني, ەلىمىزدەگى ەڭ بايىرعى ونەر ۇجىمى ءوزىنىڭ سەكسەنىنشى ماۋسىمىن باستاپ وتىر. بۇدان ءجۇز جىلعا جۋىق ۋاقىت بۇرىن قازاق تەاترىنىڭ قارلىعاشىنداي جاس مۇحتاردىڭ «ەڭلىك-كەبەگىمەن» ويقۇدىقتا العاشقى ىرگەتاسى قالانعان سەمەي تەاترى 1934 جىلى رەسمي تۇردە اشىلعان ەدى. سونىڭ ءبارى اسەرلى كەشتە كەڭىنەن قوزعالىپ جاتتى.
ءيا, بۇل ماۋسىم سوندىقتان بۇرىنعىدان وزگەرەك.
داۋلەت سەيسەن ۇلى.
سەمەي.
