«نۇر-سۇلتان قالاسىندا وسىعان دەيىن ۆيرۋستى جۇقتىرعان جالپى 319 ادام انىقتالدى. ونىڭ 47 پايىزى ەرلەر, 53 پايىزى ايەلدەر. كوروناۆيرۋستى جۇقتىرعانداردىڭ 43 پايىزى – 30-49 جاس ارالىعىنداعى ازاماتتار. 26 پايىزى 18-29 جاسقا دەيىنگىلەر, 16,5 پايىزى – 50-59 جاس ارالىعىنداعى ادامدار بولسا, 9 پايىزى 60-69 جاس ارالىعىنداعى ازاماتتار. 3 پايىزى – 70 جانە ودان ۇلكەن جاستاعى كىسىلەر. 3,4 پايىزى – 18-گە تولماعان بالالار», دەدى ساۋلە قيسىقوۆا.
ونىڭ ايتۋىنشا, قازىر 9 ناۋقاستىڭ جاعدايى اۋىر حالدە.
«جالپى ەلوردادا ەمدەلىپ شىققانداردىڭ سانى – 154 ادام. اتالعان ازاماتتار ءۇي جاعدايىنداعى كارانتيندە تاعى 14 كۇن بويى بولۋى ءتيىس. سونىمەن قاتار بۇگىن اۋرۋحانادان ءبىر شەتەل ازاماتى جازىلىپ شىقتى. اتالعان ازامات ىستامبۇل-نۇر-سۇلتان رەيسىنەن تۇسىرىلگەن بولاتىن. قازىرگى ۋاقىتتا اۋرۋحانالاردا 399 ناۋقاس ەم الۋدا. ونىڭ 170-ءى كوروناۆيرۋستان ەمدەلۋشىلەر. ونىڭ ىشىندە 10 ناۋقاس – باسقا وبلىستاردىڭ تۇرعىندارى. سونىمەن قاتار 9 ناۋقاستىڭ جاعدايى اۋىر حالدە. ونىڭ تورتەۋى جاساندى تىنىس الۋ اپپاراتىنا قوسىلعان. بەكىتىلگەن حاتتاماعا سايكەس ءتيىستى ەم جۇرگىزىلىپ جاتىر. باسقا ناۋقاستاردىڭ جاعدايى قالىپتى», دەدى ول.
