رەيد بارىسىنداعى تەكسەرىس جۇمىستارى كەزىندە 44 نىساننىڭ كارانتين تالاپتارىن بۇزىپ, جۇمىس ىستەپ وتىرعاندىعى انىقتالدى. ولاردىڭ 42-سىنە اكىمشىلىك حاتتاما تولتىرىلىپ, 9-ىنا ءار ءتۇرلى شارالار قولدانۋ تۇرعىسىندا سوت شەشىمى شىعارىلدى. 33 حاتتاما ءالى قاراستىرىلادى.
اتباسار قالاسىندا «ارمان», «اباي», «بەك» ساۋدا نۇكتەلەرىندە بىرقاتار ءتارتىپ بۇزۋشىلىق انىقتالدى. اتاپ ايتقاندا, دۇكەن ساتۋشىلارى قولعاپسىز جۇمىس ىستەگەن. ءارى ساۋدا ورىندارىندا انتيسەپتيك جوق. نان ونىمدەرى وراماسىز ساتىلىپ جاتىر.
ءبىرجان سال اۋدانىنداعى ستەپنياك قالاسىندا جاسالعان رەيد بارىسىندا «سماك» دۇكەنىنىڭ دەزينفەكتسيا تالاپتارىن بۇزىپ جۇمىس ىستەپ جاتقاندىعى انىقتالىپ, يەسىنە ون ايلىق ەسەپتىك كورسەتكىش مولشەرىندە ايىپپۇل سالىندى.
مۇنداي ولقىلىققا بۇلاندى اۋدانىندا دا جول بەرىلگەن. ماكينسك قالاسىنداعى «اتلانت», «يمپەريا» دۇكەندەرىندەگى كەمشىلىكتىڭ بەتى اشىلدى. سونداي-اق, ششۋچينسك قالاسىندا دا جەكە كاسىپكەرلەردىڭ «ۆسترەچا» جانە «امان» دۇكەندەرى تازالىق ءتارتىبىن ساقتاماي جۇمىس ىستەپ كەلگەن. كوكشەتاۋ قالاسىندا 20 نىسان قامتىلدى. بارىنە ورتاق ءبىر كەمشىلىك, قولعاپ كيمەي جۇمىس ىستەۋ جانە انتيسەپتيكتەردى تۇتىنۋشىلارعا ۇسىنباۋى بولىپ وتىر.
سانيتارلىق تازالىق ساقتاماعاندارعا ءتيىستى شارا قولدانىلاتىن بولادى.
