- قر پرەزيدەنتىنىڭ جارلىعىمەن توتەنشە جاعداي جانە كارانتين رەجيمى 1 مامىرعا دەيىن سوزىلعانىن بىلەسىز. وسىعان وراي, ماڭعىستاۋ وبلىسىندا دا كارانتين جاعدايى ايدىڭ اياعىنا دەيىن جالعاسادى.
بۇگىنگى بريفينگتە بىرقاتار ماسەلەلەرگە نازار اۋدارعىم كەلەدى.
بىرىنشىدەن, كوروناۆيرۋس ينفەكتسيا شالدىققاندار 12 ادامعا جەتتى, اقتاۋ قالاسىندا 5 ادام, ونىڭ 1 ەمدەلىپ شىقتى, جاڭاوزەن قالاسىندا 4 ادام, ماڭعىستاۋ اۋدانىندا 3 ادام. اۋىرعانداردىڭ ءوسىمى كارانتين رەجىمىن جەڭىلدەتۋگە مۇمكىندىك بەرمەي وتىر.
ەكىنشىدەن, ماڭعىستاۋ اۋدانى مەن جاڭاوزەن قالاسىندا ماڭعىستاۋ وبلىسىنىڭ باس مەملەكەتتىك سانيتارلىق دارىگەرىنىڭ قاۋلىسىمەن كارانتين رەجىمى قاتاڭداتىلدى. ەرتەڭنەن باستاپ جاڭاوزەن قالاسى مەن ماڭعىستاۋ اۋدانىنا اسا قاجەتسىز بارۋعا جانە شىعۋعا بولمايدى. تەك قانا ازىق-ت ۇلىك, ءدارى-دارمەك جانە مەديتسيانلىق قۇرالدار اپارۋعا, وبلىس ورتالىعىندا شۇعىل مەديتسينالىق كومەككە جۇگىنۋگە رۇقسات بەرىلەدى. سونىمەن بىرگە, ادام ولىمىنە قاتىستى تىكەلەي جاقىن تۇمالارىنا بارۋعا جانە وندىرىسكە قاجەتتى بۇيىمدارمەن قامتاماسىز ەتۋ ماسەلەلەرى جەرگىلىكتى اكىمدىكتەردىڭ كەلىسىمى بويىنشا ىسكە اسىرىلادى. باسقا جاعدايلاردا كىرىپ-شىعۋعا بولمايدى.
وسى ەكى ەلدى مەكەندەرىمىزدەگى الىنىپ جاتقان شارالار جۇقتىرۋ دەرەكتەرىن ازايتۋ جانە ينفەكتسيانىڭ تارالماۋى ءۇشىن جاسالىپ جاتىر.
ۇشىنشىدەن, اقتاۋ قالاسىنداعى ازىق-ت ۇلىك ساتاتىن گيپەرماركەتتەر مەن بازارلارعا ادامدار وتە كوپ كەلىپ جاتىر, بۇل جاعداي بىزدەردى الاڭداتادى جانە قالاداعى ەپيدەميولوگيالىق جاعدايدى ۇشىقتىرۋ مۇمكىن. قۇرمەتتى قالا تۇرعىندارى, اسا قاجەتسىز گيپەرماركەتتەر مەن بازارلارعا بارۋدان باس تارتۋىڭىزدى سۇرايمىز. تۇرعىن ۇيلەرىڭىز قاسىنداعى دۇكەندەر جەتكىلىكتى, ىشىندەگى اسسورتيمەنتتەردىڭ ءتۇرى بار.
قازىر قيىنشىلىق پەن ازاپتى كورىپ وتىرعان شاعىن بيزنەستەردىڭ وكىلدەرى.سەبەبى مىڭداعان كاسىپتەر توقتادى, تابىستارىنان ايرىلدى, قىزمەتكەرلەرى جالاقىسىز قالدى, مەملەكەتكە سالىقتارى ازايدى. ەگەر دە تۇرعىندار وسىلاي جۇرە بەرەتىن بولسا كارانتين مەزگىلى ۇزارا بەرەتىن بولادى جانە كاسىكەرلەردىڭ جاعدايى وتە كۇردەلەنەدى.
20 ساۋىردەن كەيىن جاعداي تۇراقتى بولاتىن بولسا, توقتاتىلعان كاسىپتەرگە رەت رەتىمەن مۇمكىندىك بەرۋدى ويلاستىرىپ وتىرمىز. سوندىقتان ءبارىمىز قاتاڭ ءتارتىپ ساقتاپ, ۇيدە وتىرۋىمىز قاجەت. ءبىر بىرىمىزگە قولداۋ بولىپ, ءبىر بىرىمىزگە ۇلگى بولايىق اعايىن. ءسوز سوڭىندا حالقىمىز ءۇشىن ايانباي ەڭبەك ەتىپ جۇرگەن مەديتسينا ۇيىمدارىنىڭ قىزمەتكەرلەرىنە, پوليتسيا قىزمەتىنە جانە بارلىق ەرىكتى توپتارىنا, دەمەۋشىلىك كورسەتىپ جۇرگەن بارشا جاندارعا ەرەكشە العىسىمدى بىلدىرەمىن, دەدى ماڭعىستاۋ وبلىستىق ىشكى ساياسات باسقارماسىنىڭ باسشىسى ەرجان كۇمىسقاليەۆ.
ماڭعىستاۋ وبلىسى
