مۇناي وڭدەۋ كاسىپورىندارىندا مۇناي وڭدەۋ الەۋەتى جىلىنا 17,5 ملن تونناعا دەيىن ارتىلدى, ال وڭدەۋ تەرەڭدىگى 90%-عا دەيىن ۇلعايتىلدى. قازىرگى تاڭدا قازاقستاندىقتار ك4 جانە ك5 ەكولوگيالىق ساناتتاعى (تيىسىنشە, ەۋرو-4 پەن ەۋرو-5) بەنزينمەن قامتاماسىز ەتىلگەن. 2019 جىلى ارتىلعان بەنزين كولەمى تاياۋ جانە الىس شەتەلگە ەكسپورتقا جونەلتىلدى.
2019 جىلدىڭ قورىتىندىسى بويىنشا قازاقستاندا كومىرسۋتەك شيكىزاتىن وڭدەۋ كولەمى (قمگ ۇلەسىن ەسەپكە العاندا) 13 822 مىڭ توننانى قۇرادى. بۇل 2018 جىلمەن سالىستىرعاندا 3%-عا ارتىق.
2019 جىلى مۇناي ونىمدەرىن شىعارۋ كولەمى قمگ وپەراتسيالىق ۇلەسىن ەسەپكە العاندا 12 513 مىڭ توننا دايىن ءونىمدى قۇرادى, بۇل 2018 جىلدىڭ كورسەتكىشىنەن 361 مىڭ تونناعا (3%-عا) ارتىق.
