«كايك» كاسىپورنىنىڭ ماماندارى قۇراستىرعان تەحنيكا كوروناۆيرۋسپەن كۇرەسكە قولدانىلۋدا. قازىرگى ۋاقىتتا قالا كوشەلەرىن دەزينفەكتسيالاۋ جۇمىسى قىزۋ ءجۇرىپ جاتىر. قالالىق اكىمشىلىكتىڭ اقپاراتى بويىنشا ازىرگە وسىنداي 3 تەحنيكا جۇمىلدىرىلعان. ارنايى دەزينفەكتسيالاۋ سۇيىقتىعىمەن تولتىرىلعان ءبىر كولىك از ۋاقىتتىڭ ىشىندە بەس ءجۇز شارشى مەترگە دەيىنگى جول توسەسىمىن دەزينفەكتسيالاي الادى.
– ءۋاليحانوۆ پەن گوركي كوشەلەرىنە ساعات ەكىدە شىقتىق. سودان ابىلايحان داڭعىلىنا دەيىن دەزينفەكتسيالاپ وتتىك. قازىر ەكىنشى اينالىمدا كەلە جاتىرمىز, ساعاتىنا 8-10 شاقىرىمدىق جىلدامدىقپەن ءجۇرىپ, 12 شاقىرىمدى قامتىدىق, – دەيدى «تازالىق» سەرىكتەستىگىنىڭ كولىك جۇرگىزۋشىسى بوريس استافەۆ.
مۇنداي تەحنيكا نەگىزىنەن اۋىل شارۋاشىلىعىنا قولدانىلادى. الەمدى جايلاعان ىندەتپەن كۇرەستە بۇل اگرەگاتتار قازىرگى ۋاقىتتا تاپتىرماس قۇرالعا اينالدى. «قازاقستاندىق اگرو-يننوۆاتسيالىق كورپوراتسياسى» سەرىكتەستىگى سۋارعىش كولىكتەردى بەيىمدەپ جاساۋدا.
– ءبىز مۇنىڭ ءبارىن تاناپ باسىندا تىڭايتقىشتار, حيميكاتتار سەبەتىن قۇرىلعىلار نەگىزىندە جاساپ شىعاردىق. ناتيجەسىندە پايدالانۋعا جارامدى بولىپ شىقتى, – دەيدى «كaik» سەرىكتەستىگى وندىرىستىك تسەحىنىڭ باستىعى قايرات دۇيسەمبەكوۆ.
دەزينفەكتسياعا پايدالانىلاتىن زات ادامدار مەن جانۋارلارعا قاۋىپسىز. ول تەك ۆيرۋستارعا عانا اسەر ەتەدى. ال دەزينفەكتسيا COVID-19 ۆيرۋسىنان قورعانۋدىڭ ەڭ ءتيىمدى جولى.
