بۋداپەشت قالاسىندا قازاقستان رەسپۋبليكاسىنىڭ ەلشىلىگى ماجارستان ۇلتتىق ەكونوميكا مينيسترلىگى مەن ساۋدا-ونەركاسىپتىك پالاتاسىنىڭ اتسالىسۋىمەن وسى ەلدىڭ جەتەكشى ىسكەر توپتارىنىڭ 100-دەن اسا وكىلدەرى قاتىسقان قازاقستان-ماجارستان بيزنەس-فورۋمىن وتكىزدى.
بۋداپەشت قالاسىندا قازاقستان رەسپۋبليكاسىنىڭ ەلشىلىگى ماجارستان ۇلتتىق ەكونوميكا مينيسترلىگى مەن ساۋدا-ونەركاسىپتىك پالاتاسىنىڭ اتسالىسۋىمەن وسى ەلدىڭ جەتەكشى ىسكەر توپتارىنىڭ 100-دەن اسا وكىلدەرى قاتىسقان قازاقستان-ماجارستان بيزنەس-فورۋمىن وتكىزدى.
شارا بارىسىندا ماجار تاراپى قازاقستان پرەزيدەنتى ن.ءا.نازارباەۆتىڭ «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» اتتى حالىققا جولداۋى, ەلدەگى قوعامدىق-ساياسي جانە ەكونوميكالىق احۋال, اتاپ ايتقاندا, استانا قالاسىندا ەكسپو-2017 كورمەسىن وتكىزۋ, «جاسىل ەكونوميكاعا» ءوتۋدىڭ نەگىزگى اسپەكتىلەرىمەن تانىستىرىلدى.
فورۋمدا ەكى ەلدىڭ ەكونوميكالىق الەۋەتى تاقىرىبىندا قازاقستاننىڭ ماجارستانداعى ەلشىسى نۇرباح رۇستەموۆ, قازاقستان-ماجارستان ەكونوميكالىق ىنتىماقتاستىق جونىندەگى ۇكىمەتارالىق كوميسسيانىڭ تەڭ توراعاسى – ماجارستان ۇلتتىق ەكونوميكا ءمينيسترى ميحاي ۆارگا, ۇلتتىق ەكونوميكا ۆيتسە-ءمينيسترى انتال نيكولەتتي, «ماجار ساۋدا ۇيلەرى» كومپانياسىنىڭ توراعاسى ۆيلموش شكۋلتەتي جانە قازاقستان-ماجارستان ىسكەرلىك كەڭەسىنىڭ تەڭ توراعاسى شاندور فاشيمون بايانداما جاسادى.
بيزنەس-فورۋم اياسىندا تاراپتار ساۋدا-ەكونوميكالىق جانە ينۆەستيتسيا سالالارىنداعى ەكىجاقتى بايلانىستاردى تەرەڭدەتۋ مەن ونىڭ اياسىن كەڭەيتۋ ماسەلەسىن دە تالقىعا سالدى.
«ەگەمەن-اقپارات».
