2013 جىلدىڭ 7 قىركۇيەگىندە اقمولا جانە قاراعاندى وبلىستارىنىڭ اۋماعىندا كيىكتەردىڭ (اقبوكەندەردىڭ) بەتپاقدالا پوپۋلياتسياسىنىڭ (الدىن الا مالىمەتتەر بويىنشا) 3000-عا جۋىق باسىنىڭ قىرىلۋى تىركەلدى. ولاردىڭ 1500-گە جۋىعى تەڭىز كولىنىڭ وڭتۇستىك, باتىس جانە سولتۇستىك جاعالاۋلارىندا تابىلدى. قىرىلعان كيىكتەر جازىق دالادا دا كەزدەسكەن.
2013 جىلدىڭ 7 قىركۇيەگىندە اقمولا جانە قاراعاندى وبلىستارىنىڭ اۋماعىندا كيىكتەردىڭ (اقبوكەندەردىڭ) بەتپاقدالا پوپۋلياتسياسىنىڭ (الدىن الا مالىمەتتەر بويىنشا) 3000-عا جۋىق باسىنىڭ قىرىلۋى تىركەلدى. ولاردىڭ 1500-گە جۋىعى تەڭىز كولىنىڭ وڭتۇستىك, باتىس جانە سولتۇستىك جاعالاۋلارىندا تابىلدى. قىرىلعان كيىكتەر جازىق دالادا دا كەزدەسكەن.
جانۋارلاردىڭ قىرىلۋى جونىندە بارلىق مۇددەلى ورتالىق جانە جەرگىلىكتى اتقارۋشى ورگاندارعا جەدەل حابار بەرىلدى.
قازىر قورشاعان ورتانى قورعاۋ مينيسترلىگىنىڭ ورمان جانە اڭشىلىق شارۋاشىلىعى كوميتەتىنىڭ باعىنىستى قىزمەتتەرىنىڭ ماماندارى بيوقاۋىپسىزدىك عىلىمي-زەرتتەۋ ينستيتۋتى جانە قاراعاندى وبلىستىق ۆەتەريناريا قىزمەتىمەن ءبىرلەسە وتىرىپ, كيىكتەردىڭ قىرىلۋ اۋماقتارىن تەكسەرۋ, ورىن العان وقيعانىڭ اۋقىمىن جانە سەبەپتەرىن انىقتاۋ شارالارىن جۇرگىزىپ جاتىر.
قورشاعان ورتانى قورعاۋ مينيسترلىگىندە شۇعىل كەڭەس وتكىزىلدى. كيىكتەردىڭ جاپپاي قىرىلۋ سەبەپتەرىن انىقتاۋ ماقساتىندا ورمان جانە اڭشىلىق شارۋاشىلىعى كوميتەتىنىڭ ءتوراعاسى باعدات ازباەۆتىڭ باسشىلىعىنداعى جۇمىس توبى قۇرىلدى. بۇل توپقا مۇددەلى مەملەكەتتىك ورگانداردىڭ (قاراعاندى جانە اقمولا وبلىستىق ەكولوگيا دەپارتامەنتتەرى, ۆەتەرينارلىق قىزمەتتەر, توتەنشە جاعدايلار, ىشكى ءىستەر دەپارتامەنتتەرى جانە سانيتارلىق-ەپيدەميولوگيالىق باقىلاۋ قىزمەتى) وكىلدەرى تارتىلدى, دەپ حابارلادى قورشاعان ورتانى قورعاۋ مينيسترلىگىنىڭ ءباسپاسوز قىزمەتى.
