تۇڭعىش پرەزيدەنت – ەلباسى نۇرسۇلتان نازارباەۆ 1992 جىلى قازاقستان رەسپۋبليكاسىنىڭ بۇۇ جانىنداعى تۇراقتى وكىلى اقمارال حايدارقىزى ارىستانبەكوۆانى تاعايىنداۋ تۋرالى جارلىققا قول قويعان بولاتىن.
اقمارال ارىستانبەكوۆا – تاۋەلسىز قازاقستاننىڭ ءبىرىنشى ەلشىسى, ەل تاريحىنداعى تۇڭعىش ايەل-ەلشى, قازاقستان رەسپۋبليكاسىنىڭ بىرىككەن ۇلتتار ۇيىمى جانىنداعى تۇڭعىش تۇراقتى وكىلى.
ا. ارىستانبەكوۆا وزىنە جۇكتەلگەن مىندەتتەردى ابىرويمەن ورىنداپ, جوعارى سەنىمدى اقتاپ, نۇرسۇلتان نازارباەۆ بەلگىلەگەن سىرتقى ساياسي باعىتتى ىسكە اسىرۋعا ەلەۋلى ۇلەس قوسىپ, الەمدەگى ەڭ ىقپالدى حالىقارالىق ۇيىمعا جاس تاۋەلسىز مەملەكەتتىڭ ۇستانىمى مەن بەدەلىن نىعايتا ءتۇستى.
قازاقستان رەسپۋبليكاسىنىڭ بۇۇ مۇشەلىگىنە قابىلداۋ تۋرالى ءوتىنىشى 1991 جىلعى 31 جەلتوقساندا ۇيىمنىڭ باس حاتشىسىنا تاپسىرىلدى. وسى ساتتەن باستاپ بۇۇ جانىنداعى قر تۇڭعىش تۇراقتى وكىلى جاس تاۋەلسىز مەملەكەتتىڭ سىرتقى ساياساتىن تانىستىرۋ جانە كوپشىلىككە تاراتۋ بويىنشا بۇۇ-عا مۇشە مەملەكەتتەر اراسىندا ۇلكەن جۇمىس اتقاردى. بۇل 1992 جىلعى 2 ناۋرىزدا قازاقستان بۇۇ وتباسىنا قابىلدانعانىنا ىقپال ەتتى. سول كۇنى قازاقستاننىڭ تۇراقتى وكىلى بۇۇ باس اسسامبلەياسىنىڭ 46-سەسسياسىندا بايانداما جاساۋ قۇرمەتىنە يە بولدى.
ا. ارىستانبەكوۆا حالىقارالىق قاتىناستار جۇيەسىندە 30 جىلدان استام جۇمىس ىستەيدى, ونىڭ جيناقتاعان تاجىريبەسى باعا جەتپەس جانە جاس ديپلوماتيالىق ەليتانىڭ قالىپتاسۋى ءۇشىن قىزمەت ەتەدى. ا. ارىستانبەكوۆا ءوزىنىڭ بىلىمدەرىمەن ۇنەمى سۇرانىسقا يە جانە بىرنەشە رەت قايتا باسىلىپ شىققان مەمۋارلار مەن مونوگرافيالاردا بولىسەدى.
