سۋرەتتى تۇسىرگەن ۆالەري بۋگاەۆ
توسقاۋىل-بەكەتتەرىندە پوليتسيا قىزمەتكەرلەرى تاۋلىك بويى جۇمىس اتقارۋدا. قالالىق پوليتسيا باسقارماسىنىڭ مالىمەتىنشە, وبلىس ورتالىعى اۋماعىنداعى كارانتيندىك رەجيم قاتاڭ باقىلانۋدا.
جالپى, قالانىڭ ورتالىعى 64 نەگىزگى سەكتورعا ءبولىنىپ, ارقايسىسىنا جەكە-جەكە پاترۋلدىك قىزمەتكەرلەر جىبەرىلگەن. ياعني, قالانىڭ قاۋىپسىزدىگىن ساقتاۋ جانە كارانتين رەجيمىن قاداعالاۋ شاراسىنا 200-دەي پوليتسيا قىزمەتكەرى مەن 150-دەي ۇلتتىق ۇلان ساربازى جۇمىلدىرىلعان.
- قالاعا كىرگەن, شىققان كولىكتەردى قاتاڭ تەكسەرۋدەن وتكىزۋدەمىز. تەك شۇعىل شاقىرتۋمەن جولعا شىققان جەدەل جاردەمدى, جەرلەۋ راسىمىنە باراتىن تۋىس-جاقىندارىنا قۇجاتتار ارقىلى عانا رۇحسات. ال, كارانتين رەجيمى ىسكە قوسىلعان العاشقى كۇنى وبلىس ورتالىعىنا جەكە كولىكتەرىمەن 1300-دەن استام ادام كىرگەن بولسا, 840 ازامات قالادان شىعىپ كەتتى. پوليتسيا قىزمەتكەرلەرى مەديتسينالىق قورعانىس قۇرال-جابدىقتارىمەن, بەتپەردە, قولعاپتارمەن قامتاماسىز ەتىلگەن. ۋچاسكەلىك ينسپەكتورلار دا قىزمەتتىك پلانشەتتەر قولدانۋدا. توسقاۋىل-بەكەتتەرىندە تۇراتىن قىزمەتكەرلەر باسقا جۇمىسقا جىبەرىلمەيدى. ولار جۇمىس ۋاقىتى اياقتالعان سوڭ جاتاقحانالار مەن قوناقۇيلەرگە بارىپ قونادى. ۇيلەرىنە بارۋعا رۇقسات جوق, - دەدى پوليتسيا باسشىلىعى.
سونىمەن قاتار وبلىس ورتالىعىنداعى كارانتينگە جابىلعان 3 تۇرعىن ءۇي مەن №1-ءشى قالالىق اۋرۋحانا ماڭىندا كەزەكشىلىك قىزمەتىن اتقاراتىن مامانداردا جاتاقحانالاردان بولمەلەر بەرىلگەندىكتەن, ۇيلەرىنە بارمايدى.
پاۆلودار وبلىسى
