بۇلاردان بولەك, 2 مىڭداي سارباز اسكەري گوسپيتالدەردە كوز جۇمدى. جەرگىلىكتى ارحيۆ باسشىسىنىڭ ورىنباسارى حانشايىم ماقاجانوۆانىڭ ايۋتىنشا, 31 پاۆلودارلىق كەڭەس وداعىنىڭ باتىرى اتانسا, 8 جاۋىنگەر ءىىى دارەجەلى «داڭق» وردەنىنىڭ يەگەرى اتانعان.
ال, سوعىس كەزىندە اسكەرگە شاقىرىلعاندار جونىندە مالىمەتتەردىڭ كوبى ەلىمىزدىڭ قورعانىس مينيسترلىگىنە قاراستى جەرگىلىكتى قورعانىس دەپارتامەنتتەرىندە, ارحيۆتەردە ساقتاۋلى.
سونداي-اق رەسەي قورعانىس مينيسترلىگىنىڭ پودولسكىدەگى ورتالىق ارحيۆىنە سۇراۋ سالۋعا بولادى.
بۇگىندە ينتەرنەت جۇيەسىندە بۇل ءارحيۆتىڭ ءۇش جوباسى جۇمىس ىستەيدى. ءبىرىنشىسى, قازا بولعان جانە حابارسىز كەتكەندەر جايلى جالپىلاي جيناقتالعان «مەموريال» مالىمەتتەر بانكى.
ەكىنشىسى – سوعىستان امان-ەسەن ورالعاندار مەن قازا بولعاندار جايلى «پودۆيگ نارودا ۆ ۆەليكوي وتەچەستۆەننوي ۆوينە 1941-1945 گگ.» اتتى قۇجاتتاردىڭ ەلەكتروندىق بانكى.
ءۇشىنشىسى - «پاميات نارودا» پورتالى.
جەرگىلىكتى ارحيۆ قىزمەتكەرلەرى رەسەي قورعانىس مينيسترلىگىنىڭ ورتالىق ارحيۆىندە وسى باعىتتا جۇمىس جۇرگىزگەن.
ناتيجەسىندە, سوعىستا قازا تاپقان 116 جەرلەسىمىزدىڭ ەسەپتىك-تىركەۋ كارتوچكالارىن تابىلادى.
وبلىس ءارحيۆىنىڭ قورى بىرقاتار قۇندى دەرەكتەرمەن, قۇجاتتارمەن تولىقتى.
مىسالى, كەڭەس وداعىنىڭ باتىرىلارى ق.قامزين, ك.سەمەنچەنكو, ي.سكلياروۆتار جايلى, داڭق وردەنى يەگەرلەرىنىڭ ماراپاتتالۋ قاعازدارى, اسكەري بولىمدەردىڭ وسى جوعارى ماراپاتقا ۇسىنۋ جونىندەگى بۇيرىقتارى انىقتالدى
سونىمەن قاتار سوڭعى جىلدارى سوعىستا حابارسىز كەتكەندەردى ىزدەستىرۋ جاساقتارى جۇيەلى جۇمىس جۇرگىزۋدە.
پاۆلودار وبلىسى
