بۇل ازاماتتىڭ شىن ەسىمى - فەرديناند ليۋيس السيندور. 1947 جىلدىڭ 16 ساۋىرىندە نيۋ-يوركتە دۇنيەگە كەلگەندە ونىڭ بويى 57 سانتيمەتر جانە سالماعى 5,73 كيلو بولعان ەكەن. اتا-اناسى فەرديناندتى كاتوليك ءدىنى نەگىزدەرىمەن تاربيەلەگەنىمەن, ەسەيە كەلە بۇل جىگىت يسلام ءدىنىن قابىلداۋدى قۇپ كوردى. وسىلايشا, ول ءوزىنىڭ اتى-ءجونىن كارىم ابدۋل-دجابار دەپ وزگەرتتى.
ۇلتتىق باسكەتبول قاۋىمداستىعى تاريحىنداعى (ۇبق) ەڭ ۇزدىك ون ويىنشىنىڭ قاتارىنا ەنگەن كارىمنىڭ بويى – 218 سم, سالماعى – 121 كيلو. 1969-1989 جىلدارى ارالىعىندا اۋەلى «ميلۋوكي باكس», ودان كەيىن «لوس-اندجەلەس لەيكەرستىڭ» ساپىندا ونەر كورسەتكەن ول «ىلمەك لاقتىرۋدىڭ كورولى» دەگەن لاقاپ اتقا يە بولدى. كەزىندە ابدۋل-جابار ۇبق-نىڭ كوپتەگەن رەكوردتىق كورسەتكىشتەرىن جاڭارتتى.
ودان بولەك, كارىم 20-دان اسا فيلمگە ءتۇستى. سولاردىڭ اراسىنداعى ەڭ تانىمالى – 1979 جىلى جارىققا شىققان ء«ولىمنىڭ ويىنى». سول فيلمدە ول بريۋسس ليمەن جەكپە-جەككە شىققان الىپ جەندەتتىڭ ءرولىن سومدادى.
