ماسكەۋ قالالىق سايلاۋ كوميسسياسى قالا باسشىسى قىزمەتىنە ۇمىتكەرلەردىڭ جيناعان داۋىستارى بويىنشا الدىن-الا ساناق جۇرگىزدى. بۇل تۋرالى ريا «نوۆوستي» حابارلادى.
الدىن-الا جۇرگىزگەن ساناقتىڭ ناتيجەلەرى بويىنشا, سەرگەي سوبيانين – 51,37, الەكسەي ناۆالنىي – 27,24, كوممۋنيست يۆان مەلنيكوۆ – 10,69, «يابلوكو» پارتياسىنىڭ كوشباسشىسى سەرگەي ميتروحين – 3,51, رەسەي ليبەرالدى-دەموكراتيالىق پارتياسىنىڭ وكىلى ميحايل دەگتيارەۆ – 2,86, ادىلەتتى رەسەي پارتياسىنىڭ وكىلى نيكولاي لەۆيچەۆ – 2,79 پايىز داۋىس جيناعان كورىنەدى.
ماسكەۋ قالالىق سايلاۋ كوميسسياسىنىڭ مالىمدەۋىنە قاراعاندا, قالا باسشىسىن تاڭداۋعا سايلاۋشىلاردىڭ 32,07 پايىزى قاتىسقان.
«الدىن-الا بەلگىلى بولعان ناتيجەلەرگە قاراعاندا, سايلاۋ ءبىر اينالىممەن اياقتالىپ وتىر. سايلاۋدىڭ ەكىنشى اينالىمى بولمايدى», – دەپ حابارلادى ماسكەۋ قالالىق سايلاۋ كوميسسياسىنىڭ باسشىسى ۆالەنتين گوربۋنوۆ.
«ءبىز سايلاۋدىڭ ناتيجەسىمەن كەلىسپەيمىز. سايلاۋ ەكى اينالىمنان تۇرۋى كەرەك», – دەپ مالىمدەدى الەكسەي ناۆالنىي.
ءوز كەزەگىندە سەرگەي سوبيانين كوپشىلىك الدىندا جەڭىسىنە سەنىمدى ەكەنىن ايتتى. «قورىتىندى ناتيجە بويىنشا ءبىز ءبارىبىر جەڭىسكە جەتەمىز», – دەدى ول.
ايدار ورىسباەۆ.
