وبلىستىڭ باس مەملەكەتتىك سانيتار دارىگەرى مۇحامعالي ارىسپاەۆ 15 ءساۋىر كۇنى تاڭەرتەڭ «16 ساۋىردەن باستاپ وبلىستا كارانتيندىك شارالار ودان ءارى كۇشەيتىلەتىنىن, ورال قالاسىنداعى بارلىق قوعامدىق كولىك – اۆتوبۋستار قوزعالىسى توقتاپ, بارلىق بانك بولىمدەرى, قازپوشتا بولىمشەلەرى جۇمىسىن ۋاقىتشا توقتاتاتىن ايتقان بولاتىن. وسى حاباردان كەيىن ازىق-ت ۇلىكتى كوتەرمە ساتاتىن ساۋدا ورىندارىندا, بانك بولىمشەلەرىندە حالىق كوپ جينالىپ, كەزەك پايدا بولعان.
وبلىستىق جەدەل شتابتىڭ وتىرىسىنان كەيىن كارانتين شارالارىنىڭ وزگەرىسى ناقتىلاندى: ەكىنشى دەڭگەيلى بانك ۇيىمدارى قىزمەتىن جالعاستىراتىن بولدى. 17 ساۋىردەن باستاپ ولاردىڭ قىزمەت كورسەتۋ ۋاقىتى 9.00.-16.00. ساعات ارالىعىندا بولادى.
-حالىققا تولەنەتىن بارلىق الەۋمەتتىك كومەك, جاردەماقىلار, زەينەتاقىلار تولىعىمەن تولەنەدى, زاڭدى تۇلعالارعا نەسيە الۋ, ت.ب. قىزمەت جاسالا بەرەدى, تەك جەكە ادامدارعا نەسيە بەرۋ ۋاقىتشا توقتاتىلادى. ال ازىق-ت ۇلىك ونىمدەرىن ساتاتىن بازارلار 18-ساۋىردەن باستاپ ۋاقىتشا جابىلادى, - دەدى مۇحتار مانكەەۆ.
16-24 ءساۋىر ارالىعىندا تۇرعىندار مەن جەكە كولىكتەردىڭ قوزعالىسى شەكتەلەدى. قوعامدىق كولىك ءبىر اپتاعا توقتايدى. كۇشەيتىلگەن كارانتين رەجىمىندە ءجۇرىپ-تۇرۋعا رۇقسات بەرىلگەن ادامداردىڭ ءتىزىمى www.stopcovid.kz سايتىنا تىركەلەدى. كۇشەيتىلگەن كارانتين رەجىمىندە جۇمىسىن ىستەي بەرەتىن كاسىپورىندار مەن مەكەمەلەردە قىزمەت ەتەتىن تۇرعىنداردىڭ جۇمىسىنا بارىپ-كەلۋىن جۇمىس بەرۋشى ۇيىمداستىراتىن بولدى.
-قالا اۋماعىندا ورنالاسقان بارلىق بلوك-بەكەتتە اۋىل شارۋاشىلىعى سالاسىنداعى كاسىپكەرلەردىڭ, كوكتەمگى ەگىسپەن اينالىساتىن شارۋالاردىڭ ءتىزىمى بار, ولاردىڭ ءجۇرىپ-تۇرۋىنا كەدەرگى بولمايدى. كەز كەلگەن ماسەلە بويىنشا ءبىزدىڭ جەدەل شتاب جاۋاپ بەرۋگە ءازىر, - دەدى ورال قالاسىنىڭ اكىمى ابات شىنىبەكوۆ.
سونداي-اق مەديتسينالىق مەكەمەلەردىڭ, ءدارىحانالاردىڭ, كوممۋنالدىق مەكەمەلەردىڭ, ناۋبايحانالاردىڭ, ت.ب. كۇندەلىكتى تىرشىلىكتى قامتاماسىز ەتەتىن مەكەمە-ۇيىمداردىڭ جۇمىسى جالعاسا بەرەدى.
باتىس قازاقستان
