- مادەنيەت پەن ونەر قايراتكەرلەرى ءاردايىم مەملەكەتتىڭ قولداۋىمەن بيىك بەلەستەردى باعىندىرىپ, ەلىمىزدىڭ اتىن الىس-جاقىن شەت مەملەكەتتەردە ايشىقتاپ كەلەدى. سوندىقتان دا قوعامنىڭ شىعارماشىلىق ادامدارىنا دەگەن قۇرمەتى ايرىقشا. ەلىمىزدىڭ رۋحاني, مادەني ومىرىندە جاڭا بەتبۇرىستار جاساپ, جارقىن ىستەردىڭ ۇيىتقىسى بولىپ جۇرگەن بارشاڭىزعا مەرەيلەرىڭىز ۇستەم, دەندەرىڭىز ساۋ بولىپ, شىعارماشىلىقتا تابىستارعا جەتە بەرۋلەرىڭىزگە تىلەكتەسپىن!
ەل رۋحانياتى مەن مادەنيەتىن كوركەيتۋگە قوسقان ۇلەستەرىڭىز قاشاندا حالىقتىڭ كوز الدىندا جۇرەتىن سىزدەرگە وسىناۋ ەرەن ەڭبەكتەرىڭىز ءۇشىن زور العىس ايتامىن.
ماڭگىلىك ەل مادەنيەتىنىڭ ودان ءارى دامۋىنا, ونەرىمىزدىڭ بيىكتەردەن كورىنە بەرۋىنە قىزمەت ەتىپ, حالقىمىزدى شىعارماشىلىق تابىستارىڭىزبەن قۋانتا بەرىڭىزدەر, - دەلىنگەن قۇتتىقتاۋ حاتىندا.
