«سوڭعى بىرنەشە اپتا ىشىندە, ەلىمىزدە توتەنشە جاعداي جاريالانىپ, كارانتين ەنگىزىلگەلى بەرى, «قازاقتەلەكوم» اق كومپانيالار توبىنداعى سىرتقى ينتەرنەت ارنالارداعى ترافيك 20% -دان استام ءوستى, ال Google, Youtube, الەۋمەتتىك جەلىلەر جانە مەسسەندجەرلەر, ياعني ءبىر سوزبەن ايتقاندا توپ كونتەنتتىڭ جەرگىلىكتى كەشتەۋ سەرۆەرلەرىندەگى ترافيك بىردەن 15% -عا ارتتى. ترافيكتىڭ كۇرت ارتۋىنىڭ نەگىزگى سەبەپتەرى, مەنىڭ ويىمشا, بارشاعا تۇسىنىكتى, دەگەنمەن, قىسقاشا توقتالىپ وتەيىن – نەگىزگى سەبەپ قازاقستاندىقتاردىڭ باسىم بولىگىنىڭ جۇمىسى ونلاين فورماتقا كوشۋى, بەينە-كونتەنتتى تۇتىنۋدىڭ ەداۋىر ارتۋى, كليەنتتەرىمىزدىڭ جەلىدە وتىراتىن ۋاقىتىنىڭ ايتارلىقتاي ءوسۋى, سونىمەن قاتار كوپتەگەن جاڭا كليەنتتەردىڭ قوسىلۋى», دەدى «قازاقتەلەكوم» اق باسقارما توراعاسى قۋانىشبەك ەسەكەەۆ.
ونىڭ ايتۋىنشا, تەك ناۋرىز ايىنىڭ وزىندە «قازاقتەلەكومنىڭ» ابونەنتتىك بازاسى 25000 كليەنتپەن تولىققان.
ء«بىز سىرتقى ارنالاردىڭ سىيىمدىلىعىن 360 گبيتكە كەڭەيتكەنىمىزدى جانە جەلىدەگى جۇكتەمەنىڭ ەداۋىر ارتۋىنا قاراماستان, ونى جالعاستىرا بەرەتىنىمىزدى اتاپ وتكىم كەلەدى. توتەنشە جاعداي جاريالانعاننان بەرى «قازاقتەلەكوم» سىرتقى ينتەرنەت ارنالارىنىڭ وتكىزۋ قابىلەتتىلىگىن ارتتىرۋ بويىنشا پروۆايدەرلەرمەن جەدەل كەلىسسوزدەر جۇرگىزدى. قازىرگى ۋاقىتتا بۇل ارنالار شامامەن 25% كەڭەيتىلدى, بۇل سىرتقى ينتەرنەت ارنالارىن جۇكتەمەۋگە جانە ۇسىنىلاتىن قىزمەت ساپاسىن جاقسارتۋعا مۇمكىندىك بەرەدى.
