سونداي-اق كەشە, 14 ساۋىردە ورتالىق قالالىق كلينيكالىق اۋرۋحانانىڭ باس دارىگەرى ءوز ەركىمەن قىزمەتىنەن بوساتىلعانى بەلگىلى.
مەديتسينالىق ۇيىم باسشىسىنىڭ مىندەتىن بۇگىندە مارات شادىباي ۇلى ابدۋللاەۆ اتقارىپ وتىر. ونىڭ دەنساۋلىق ساقتاۋ سالاسىنداعى جالپى ەڭبەك ءوتىلى 40 جىلدى قۇرايدى. 28 جىلدان استام باسشىلىق لاۋازىمداردا جۇمىس ىستەدى, ۇلكەن ۇيىمداستىرۋشىلىق قابىلەتى بار, سونداي-اق ول 2012 جىلدان باستاپ 2017 جىلعا دەيىن وسى ستاتسيوناردىڭ باسشىسى بولدى.
الماتىداعى قوعامدىق دەنساۋلىق باسقارماسىنىڭ باسشىسى ءوزىن ءوزى كارانتينگە وتىرعىزۋعا بايلانىستى تومەندەگىدەي تۇسىنىك بەردى.
«مەنىڭ دەربەس وقشاۋلانۋىما كەلسەك, وسىدان 6 كۇن بۇرىن ورتالىق قالالىق كلينيكالىق اۋرۋحاناعا بارعاندىقتان, ىندەت جۇقتىرعاندارمەن تىكەلەي بايلانىستاعى ادام بولىپ تابىلامىن, سوندىقتان ارىپتەستەرىم قاۋىپ-قاتەرگە ۇشىراماس ءۇشىن ءوز-ءوزىمدى وقشاۋلاۋدى ۇستانۋدامىن.
مەن ءوز ارىپتەستەرىممەن بىرگە كارانتينگە الىنعان ساتتەن باستاپ ءۇش رەت تالداۋلار وتكىزدىم – بارلىعىنىڭ ناتيجەسى تەرىس», – دەدى الماتى قالاسى قوعامدىق دەنساۋلىق باسقارماسىنىڭ باسشىسى تىلەۋحان ابىلداەۆ.
