9-13 ءساۋىر ارالىعىندا ەرىكتىلەر ءبىرجان سال, بۋراباي اۋداندارىندا جانە كوكشەتاۋ قالاسىندا تۇراتىن ەلۋگە جۋىق وتباسىندا بولىپ, ءبىرىنشى قاجەتتىلىكتەگى ازىق-ت ۇلىك ونىمدەرىن – ۇن, جارما, قانت, ماي, جەمىس-جيدەكتەر, سونداي-اق ءدارى-دارمەكتەر, انتيسەپتيكا قۇرالدارىن ۇلەستىردى. ءسويتىپ, كوپبالالى انالار, مۇمكىندىگى شەكتەۋلى جاندار مەن جالعىزباستى قارتتاردىڭ العىستارىنا بولەندى.
وبلىستىق اسسامبلەيانىڭ ەرىكتىلەر ورتالىعىنىڭ جەتەكشىسى ۋمار شونازاروۆ قازاقستان حالقى اسسامبلەياسىنىڭ كاسىپكەرلەر قاۋىمداستىعىنىڭ مۇشەلەرى – «نوۆوپەك», «ۆەرتيكال» جانە «مك-اگروپرودۋكت» جاۋاپكەرشىلىگى شەكتەۋلى سەرىكتەستىكتەرىنىڭ كاسىپكەرلەرىنە كورسەتكەن قولداۋلارى ءۇشىن راحمەتىن ايتتى. ەلدەگى توتەنشە جاعداي كەزىندە ەرىكتىلەر الەۋمەتتىك جاعىنان از قامتىلعان ازاماتتارعا كومەك كورسەتۋ بويىنشا ءوز جۇمىستار ودان ءارى جالعاستىرادى.
