جەدەل جەلىگە حابارلاساتىنداردىڭ كوپشىلىگى تىركەلۋ تارتىبىمەن قاتار, نەلىكتەن بۇل كومەكتى الماي وتىرعاندىعى تۋرالى دا سۇراپ بىلۋدە. بۇگىندە توتەنشە جاعداي سالدارىنان تابىسىنان ايىرىلعان اقمولالىقتارعا 3 ميلليارد تەڭگە كولەمىندە الەۋمەتتىك كومەك كورسەتىلدى.
– سوڭعى كۇندەرى 42500 تەڭگە الۋ بويىنشا جۇمىس جاندانۋدا. ونىڭ العاشقى مەرزىمى 15-ءشى ءساۋىر كۇنى اياقتالدى. قازىر وتىنىشتەردى قابىلداۋ جۇيەسى ءبىرشاما وڭتايلاندىرىلدى. اقمولا وبلىسى بويىنشا بۇگىندە 75 مىڭ ازاماتقا الەۋمەتتىك كومەك كورسەتىلدى,–دەيدى وبلىستىق جۇمىسپەن قامتۋ جانە الەۋمەتتىك باعدارلامالاردى ۇيلەستىرۋ باسقارماسىنىڭ ءبولىم جەتەكشىسى نۇرگۇل بەكسۇلتانوۆا.
شىنىمەن دە, ءوتىنىم بەرگەن اقمولالىقتاردىڭ بىرقاتارى جەكە سايكەستەندىرۋ ءنومىرىن, ەندى ءبىرى ەسەپشوتتارىن قاتە جىبەرىپ, اقشا اۋدارۋعا قيىندىق تۋعىزىپ وتىر.
ءبولىم جەتەكشىسى نۇرگۇل بەكسۇلتانوۆانىڭ ايتۋىنا قاراعاندا, جۇيە بويىنشا قاتە جىبەرۋ مۇمكىن ەمەس. سوندىقتان, وتىنىمدەر ءار ءتۇرلى سەبەپتەر بويىنشا قاناعاتتاندىرىلماي وتىر. كەيبىرى ءوز قاتەلىكتەرى سالدارىنان تولەمدى الا الماي وتىرسا, ەندى ءبىرى قاتە مالىمەتتەر بەرۋدە ەكەن.
جاردەماقى قولىنا تيگەن جۇرتشىلىق مەملەكەتتىڭ قامقورلىعىنا ءدان رازى.
