اۋىل شارۋاشىلىعى مينيسترلىگى فەرمەرلەرگە كومەك رەتىندە دۇيسەنبى كۇنى وبلىس اكىمدىكتەرىمەن كەڭەس وتكىزىپ, وبلىستاردى ءوزارا ازىق-ت ۇلىك قورى تۋرالى اقپاراتپەن الماسىپ, جەتىسپەۋشىلىك بايقالعان ايماقتارعا ءونىمنىڭ ارتىقشىلىعى بار وڭىرلەردەن تاۋار الماسۋعا شاقىردى.
ناتيجەسىندە رەسپۋبليكانىڭ بارلىق وبلىستارىنىڭ جەرگىلىكتى اتقارۋشى ورگاندارى جاقىن ارادا وڭتۇستىك قازاقستان وبلىسىنان 50 مىڭ توننا ەرتە شىعاتىن ورامجاپىراقتى ساتىپ الۋعا دايىن ەكەندىكتەرىن حابارلادى.
سونىمەن قاتار اۋىل شارۋاشىلىعى مينيسترلىگى ءونىمدى ەكسپورتتاۋ ءۇشىن قاجەتتى فيتوسانيتاريالىق سەرتيفيكاتتاردى جەدەل تۇردە بەرۋدە. ەندى فەرمەرلەر قالعان 250 مىڭ توننا ءونىمدى رەسەي فەدەراتسياسىنا ەش كەدەرگىسىز ساتا الادى.
بۇگىنگى تاڭدا شىمكەنت جانە تۇركىستان وبلىستارى بويىنشا, 14 اۋىل شارۋاشىلىعى تاۋار وندىرۋشىلەرى – 4 مىڭ تونناعا جۋىق ورامجاپىراق ءۇشىن 204 فيتوسانيتاريالىق سەرتيفيكات الدى.
تەز بۇزىلاتىن ونىمدەردى كەدەرگىسىز تاسىمالداۋ ءۇشىن فەرمەرلەردىڭ اۆتوكولىكتەرىنە «#BizBirgemiz تۇركىستان وبلىسىنىڭ ازىق-ت ۇلىك ونىمدەرى» دەگەن جازبامەن لوگوتيپ جابىستىرىلادى. مۇنداي جاپسىرمالار فيتوسانيتاريالىق جانە كارانتيندىك سەرتيفيكاتتارمەن بىرگە بەرىلەتىن بولادى.
