ونىڭ ءبىر دالەلى رەتىندە اۋماقتاعى سەرۆيستىك-دايىنداۋ ورتالىقتارىنىڭ قۇرىلۋىن ايتۋعا بولادى. قازىر وبلىستا اگروسالانىڭ اياققا تۇرۋى ءۇشىن اشىلعان مۇنداي ورتالىقتاردىڭ سانى ەلۋدەن استى. بيىلدىڭ وزىندە 6 سەرۆيستىك-دايىنداۋ ورتالىعى قۇرىلدى. مۇنداعى ماقسات وبلىستاعى اگروونەركاسىپ كەشەنىنىڭ تيىمدىلىگىن ارتتىرۋ, اۋىل شارۋاشىلىعى تاۋار وندىرۋشىلەرىن كووپەراتسيالاۋ, ماشينا-تراكتور پاركتەرىنىڭ تەحنيكالارىن جاڭارتۋ جانە جاڭا جۇمىس ورىندارىن اشۋ, سول ارقىلى اۋىل حالقىنىڭ تۇرمىسىن جاقسارتۋ بولىپ وتىر. ماسەلەن, 2011 جىلدان بەرى 45 سەرۆيستىك-دايىنداۋ ورتالىعى قۇرىلعان. سونىڭ ىشىندە 29 سەرۆيستىك-دايىنداۋ ورتالىعى قانت قىزىلشاسى باعىتى بويىنشا, 7 سەرۆيستىك-دايىنداۋ ورتالىعى ءداندى داقىلدار, 3 سەرۆيستىك-دايىنداۋ ورتالىعى كارتوپ جانە كوكونىس, جۇگەرى, كۇرىش, مال ازىعىن دايىنداۋ باعىتتارى بويىنشا جۇمىس ىستەيدى. قازىر بۇل ورتالىقتار وبلىستىڭ 13 وڭىرىندە جۇمىسىن باستاعان. ولارعا ليزينگكە 1 116 بىرلىك اۋىل شارۋاشىلىعى تەحنيكاسى مەن قۇرال-جابدىق بەرىلدى.
سونىمەن قاتار ايماقتا 250 اۋىل شارۋاشىلىعى تاۋار وندىرۋشىلەرى مەن شارۋا قوجالىقتارىن بىرىكتىرۋگە مۇمكىندىك جاسادى. ناتيجەسىندە 12 700 جاڭا جۇمىس ورىنى قۇرىلسا, سونىڭ 700-ءى تۇراقتى, 12 مىڭى ماۋسىمدىق جۇمىس ورىنى ەكەن. سەرۆيستىك-دايىنداۋ ورتالىقتارى جىل سايىن 850-900 شاعىن جانە ورتا ساناتتاعى شارۋا قوجالىقتارىنا قىزمەت كورسەتىپ, اۋداندارداعى 28 مىڭ گەكتار ەگىس القابىن وڭدەۋگە ۇلەس قوسىپ وتىر. ال بيىل قۇرىلعان 6 سەرۆيستىك-دايىنداۋ ورتالىعى ءداندى داقىلدار, كۇرىش جانە مال ازىعى باعىتتارىندا جۇمىس جۇرگىزبەك. ورتالىقتارعا قاجەتتى 86 بىرلىك تەحنيكا ساتىپ الۋ ءۇشىن جالپى سوماسى 1,1 ملرد تەڭگە قارجى بولىنگەن ەكەن. قازىردىڭ وزىندە ەسكەلدى, كوكسۋ, بالقاش, قاراتال, رايىمبەك, كەربۇلاق اۋداندارىنىڭ شارۋالارى سەرۆيستىك-دايىنداۋ ورتالىعىنىڭ كومەگىنە يەك ارتىپ وتىر.
جالپى, بيىل ايماقتا اۋىل شارۋاشىلىعى داقىلدارى ەگىلگەن القاپتارىنىڭ كولەمى وتكەن جىلمەن سالىستىرعاندا 4,9 مىڭ گەكتارعا ۇلعايىپ, 966,5 مىڭ گەكتاردى قۇرايدى. قازىر 157,4 مىڭ گەكتاردان استام جەر جىرتىلىپ, 51 مىڭ گەكتارعا ءدان ەگۋ اياقتالعان. ال «جەتىسۋ» الەۋمەتتىك-كاسىپكەرلىك كورپوراتسياسى 548 شارۋا قوجالىعىنىڭ يەلىگىندەگى 14,2 مىڭ گەكتار القاپقا قاجەت جوعارى سۇرىپتى قانت قىزىلشاسىنىڭ تۇقىمىن ساتىپ اپەرىپتى. سونداي-اق كوكتەمگى دالا جۇمىستارىن نەسيەلەۋ ءۇشىن «اگرارلىق نەسيە» كورپوراتسياسى جىل باسىنان بەرى 13 ديقاننىڭ ءوتىنىشىن ماقۇلداپ, 167,1 ملن تەڭگەنىڭ جەڭىلدەتىلگەن نەسيەسىن بەرگەن ەكەن.
الماتى وبلىسى
