جاڭا ارنايى ەكونوميكالىق ايماق پەن يندۋستريالىق ايماق وڭىرلەر ەكونوميكاسىن دامىتۋعا ىقپال ەتەدى

وتكەن جىلى تۇركيانىڭ ءىرى ۇيىمداسقان ونەركاسىپتىك ايماعى Gebze (GOSB) مەن «اقتوبە» اكك باسشىلىعى بىرلەسكەن يندۋستريالىق ايماق قۇرۋ تۋرالى مەموراندۋمعا قول قويدى. قازىر جوبانى جۇزەگە اسىرۋ ماقساتىندا زاڭنامالىق اكتىلەرگە («ارنايى ەكونوميكالىق جانە يندۋستريالىق ايماقتار تۋرالى»، «ساۋلەت، قالا قۇرىلىسى جانە قۇرىلىس قىزمەتى تۋرالى»، «تەحنيكالىق رەتتەۋ تۋرالى»، «رۇقساتتار جانە حابارلامالار تۋرالى»، «ستاندارتتاۋ تۋرالى») ءتيىستى وزگەرىستەر مەن تولىقتىرۋلار ەنگىزۋ مۇمكىندىگى پىسىقتالۋدا. تۇزەتۋلەر ەرەكشە يندۋستريالىق ايماق ۇعىمىن ەنگىزۋدى جانە ەرەكشە يندۋستريالىق ايماق اۋماعىندا حالىقارالىق ستاندارتتاردى قولدانۋ، جوبالاۋ جانە قۇرىلىس جۇمىستارىن جۇرگىزۋ كەزىندە شەتەل مەملەكەتتەرىنىڭ ستاندارتتارىن پايدالانۋ مۇمكىندىگىن كوزدەيدى.

GOSB مودەلى بويىنشا يندۋستريالىق پارك سالۋ كادرلاردى وقىتۋ جانە ولاردىڭ بىلىكتىلىگىن ارتتىرۋ ءۇشىن تەحنيكالىق ۋچيليششەلەر قۇرۋدى ماقسات ەتەدى. وعان قوسا لوگيستيكالىق كومپانيالار دا كىرەدى. يندۋستريالىق پارك پەن شىعارىلاتىن ءونىم كولەمى نەعۇرلىم كوپ بولسا، مۇنداي كومپانيالاردىڭ قىزىعۋشىلىعى دا ارتا تۇسەدى. وسىلايشا ايماقتا جاڭا جۇمىس ورىندارى اشىلىپ، بيۋدجەتكە باعىتتالاتىن تۇسىمدەر الەۋمەتتىك سالاعا وڭ اسەرىن تيگىزەدى.

كەلەسى ءىرى جوبالاردىڭ ءبىرى «بايقوڭىر» كەشەنىنىڭ اۋماعى مەن تورەتام جانە اقاي ەلدى مەكەندەرىندە «بايقوڭىر» اەا قۇرۋ بولىپ تابىلادى. وسى باستامانى ىسكە اسىرۋ ءۇشىن قازاقستان رەسپۋبليكاسى مەن رەسەي فەدەراتسياسى اراسىنداعى ۇكىمەتارالىق كەلىسىمنىڭ جوباسى ازىرلەندى.

جوبانىڭ نەگىزگى ماقساتى يندۋستريالىق-يننوۆاتسيالىق، ونىڭ ىشىندە عارىش قىزمەتى سالاسىنداعى الەۋەتتى دامىتۋ. سونداي-اق قولايلى ينۆەستيتسيالىق ورتا قۇرۋ، وتاندىق جانە شەتەلدىك ينۆەستيتسيالار مەن قازىرگى زامانعى تەحنولوگيالار ترانسفەرتىن تارتۋ، جۇمىسپەن قامتۋ، حالىقتىڭ ءومىر ءسۇرۋ دەڭگەيىن جانە قازاقستاندىق جانە رەسەيلىك مامانداردىڭ بىلىكتىلىگىن ارتتىرۋ، جاڭا جۇمىس ورىندارىن قۇرۋ، عارىش جانە كولىك-لوگيستيكالىق قىزمەت سالاسىنداعى حالىقارالىق ىنتىماقتاستىقتى دامىتۋ.

بۇدان باسقا، حالىقارالىق ءتۋريزمدى دامىتۋعا ەرەكشە نازار اۋدارىلاتىن بولادى، قالادا حالىقارالىق ستاندارتتارعا سايكەس كەلەتىن قوناق ۇيلەر، مۇراجايلار، پاۆيلوندار، عارىشتىق زىمىرانداردىڭ ۇشۋىن باقىلاۋ ءۇشىن ارنايى الاڭدار سالىنادى.

سونىمەن قاتار، شىمكەنت قالاسىندا «SHYMKENTCITY»اەا قۇرۋ جوسپارلانىپ وتىر. اەا رەجيمى تەك قۇرىلىس سالاسىندا جۇرگىزىلەدى جانە 2030 جىلعا دەيىن قىزمەت ەتەدى. وسى ارالىقتا شاعىن اۋدانداعى بارلىق قۇرىلىس جۇمىستارىن اياقتاۋ كوزدەلىپ وتىر. جاڭا ارنايى ەكونوميكالىق ايماقتى قۇرۋ قۇرىلىس كومپانيالارى ءۇشىن ۇلكەن قولداۋ بولماق، شاعىن اۋدان سالۋ قارقىنىن جەدەلدەتەدى، ينۆەستيتسيا كولەمىن ارتتىرادى. قازىرگى ۋاقىتتا بيۋدجەت شىعىندارىن ەسەپتەۋ پىسىقتالۋدا جانە «SHYMKENTCITY»اەا قۇرۋ تۋرالى» قر ۇكىمەتى قاۋلىسىنىڭ جوباسى ازىرلەندى.

ايتا كەتۋ كەرەك، اعىمداعى جىلدىڭ باسىنان باستاپ ارنايى ەكونوميكالىق جانە يندۋستريالىق ايماقتاردى دامىتۋ ماقساتىندا بىرنەشە نورماتيۆتىك - قۇقىقتىق اكتىلەر ازىرلەنىپ، بەكىتىلدى. مىسالى، قر ۇكىمەتىنىڭ قاۋلىسىمەن «اقتاۋ تەڭىز پورتى» اەا اۋماعى 130 گەكتارعا كەڭەيتىلدى،سونداي-اق دەمالىس پەن ويىن-ساۋىقتى ۇيىمداستىرۋ بويىنشا قىزمەت تۇرلەرىتولىقتىرىلدى. بۇدان باسقا، كوپبەيىندى اۋرۋحانا سالۋ ءۇشىن «استانا – تەحنوپوليس» اەا جانە»Qyzyljar» اەا اۋماقتارى كەڭەيتىلدى.

بۇدان بولەك، «TURKISTAN» ارنايى ەكونوميكالىق ايماعىنىڭ قىزمەت تۇرلەرى كەڭەيتىلدى. تۇركىستان قالاسىنىڭ حالىقارالىق اۋەجايىن، ونىڭ ىشىندە اۋەايلاق، اەروۆوكزال جانە ۇشۋ-قونۋ جولاقتارىن جوبالاۋ-سمەتالىق قۇجاتتاماعا سايكەس سالۋ جانە پايدالانۋعا بەرۋ، سونداي-اق اۋەجايلار مەن اۋە قوزعالىسىن باسقارۋ; تەرمينالداردىڭ، اۋەجايلاردىڭ قىزمەتى; اۋەايلاقتاردا جەردە قىزمەت كورسەتۋمەن بايلانىستى قىزمەت قوسىلدى.